1 कुरिन्थियों 2:1 - सिरमौरी नौवाँ नियम

¹ ओए रै बिशवाशी भाईयों, हांव तोंवारै इथै ना तौ बातौ कै चतुराए का इस्तैमाल कौरदा ओऊवा औरौ ना ही उतम ज्ञान कै बौताणौ कारिए, पौरौ हांव तोंवारै इथै पौरमेशवर कै भैद कै बारै मुंजी बौताणौ कारिए ओऊवा।

Sirmouri

¹ हे भाऐ बंईणों, जबे हाँव पंणमिश्वर का भेद् शुणाँदें तुँओं कैई आया, तअ ना बातो की चतुराई लई आई; अरह् ना ज्ञाँन की देखावे खे आई।

1 कुरिन्थियों 2:1 ပူးပေါင်းရင်းမြစ်များ

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

प्रेरितो कै काम 22:18

औरौ तैसीखै दैखा की सै मुखै बौल़ौ, ‘तावल़ो कौरेयौ यरूशलेम शहर पौरैशा आगु जा; जिथुकै सैजै लोग जू इथैशै औसौ मैरै बारै मुंजी तैरी गवाही ना मानदै।’

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

1 कुरिन्थियों 1:17

जिथुकै मसीहे मुखै बपतिस्मा दैणौ खै नी, पौरौ सुसमाचार शुणाणौ खै भैजै राए, औरौ जोबै हांव लोगौ खै पौरमेशवर का सौंदेश शुणौऊं, तौ हांव आदमी कै चलाक विचारो का इस्तैमाल ना कौरु, ना लोगौ खै मोनोऊ कै जू किछै हांव बुलू तिथपांदी बिशवाश कौरौ। जै ऐशैखै कौरदा, तौ लोग सिरफ इथकारिए बिशवाश कौरदै कै मोऐं बौड़ै चालाकी लैई बातो कौरी पोरौ तोबै क्रूसो पांदी मौरणौ वाल़ै मसीह का सौंदेश लोगौ कै जीवन दा शौकतीशाली तरीकै शै काम ना कौरदा।

1 कुरिन्थियों 1:6

ऐशैखैई पौरमेशवरे आमुखै ऐजौ साबित कौरे राए कै मसीह कै बारै मुंजी जू सौंदेश आमै तुऔं कै बोताया सै साचा औसौ।

1 कुरिन्थियों 2:13

औरौ इथकारिए आमु इनु बातौ खै ओकी लोगौ खै बौतौऊं, तौ आमै इनु शब्दो का इस्तैमाल ना कौरु, जू आदमी कै ज्ञान शै भैटौ, पौरौ आमै तिनु शब्दो का इस्तैमाल कौरु जू पवित्र आत्मा लैई भैटौ, जू आत्मिक ज्ञान लैई आत्मिक बातौ कै सौमझांव।

1 कुरिन्थियों 2:4

औरौ मैरी शिक्षा औरौ मैरा प्रचार आदमी कै ज्ञान कै चलाकी औरौ शिखाणौ वाल़ै बातौ कै साथै ना आथी, पौरौ पवित्र आत्माए तुऔं ऐक शौकतीशाली तरीकै लैई दिखोऊ कै जू सौंदेश मोऐं तुऔं बौतौऊवा सैजा साचा थिया।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

2 कुरिन्थियों 10:10

जिथुकै तुऔं मुंजी किछै लोग बौल़ौ, “तैसकी चिट्ठियां तौ सुंचणौ वाल़ी औरौ असरदार औसौ; पौरौ जोबै दैखुए, तौ बौल़ौए सै कमजोर आदमी औरौ तैसकी बातौ बैजान औसौ।”

2 कुरिन्थियों 11:6

जै हांव बौल़ाणौ कै अनाड़ी औसौ पौरौ मुखै मसीह औरौ सुसमाचार का ज्ञान औसौ, यानी आमै आपणा ज्ञान तिनु सारी बातौ दा प्रगट कौरा जू मोऐं शिखैई।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

2 तीमुथियुस 1:8

इथकारिए ओकी लोगौ कै अमारै प्रभु यीशु मसीह कै बारै मुंजी बौताणौ कारिए आमु शर्माणो नी चैंई औरौ ना ताखै इयौं बातौ शै शर्माणो चैंई कै हांव मसीह की सेवा कौरणौ कै बौजैह शै कोयदी दा औसौ बल्कि ताखै तियौं अनौखी शौकतै का इस्तैमाल कौरणा चैंई जू पौरमेशवर ताखै दैंव औरौ सुसमाचार कारिए मैरै दुखो दा मैरा साथ दै।

1 यूहन्ना 4:14

औरौ आमुए बैटै कै दैखै बै पाया औरौ तैसकै गवाही दैंव कै पिता पौरमेशवरे बैटै कै दुनिया कै लोगौ का उध्दार कौरणौ कारिए भैजै राए।

प्रकाशितवाक्य 1:2

यूहन्नाए सैजौ सौब ठुँ लिखु, जू तैणै दैखौ, यानी सैजा सौंदेश जू पौरमेशवर कै ढौबौशा आए रौआ थिया औरौ सैजौ सौब ठुँ जू यीशु मसीहे बौल़ै राए थियु।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”