1 कुरिन्थियों 16:15 - सिरमौरी नौवाँ नियम

¹⁵ ओए रै बिशवाशी भाईयों, तुऐं स्तिफनास औरौ तैसकै परिवार कै जाणौए, कै सै अखाया प्रदेश कै आगलै आदमी थिए जिनुवै मसीह पांदी सौबिदा आगै बिशवाश कौरा औरौ संत लोगौ कै सेवा कै खातिर तैयार रौवै।

Sirmouri

¹⁵ हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

1 कुरिन्थियों 16:15 ပူးပေါင်းရင်းမြစ်များ

प्रेरितो कै काम 18:12

जोबै गल्‍लियो अखाया प्रदेश का राज्यपाल थिया तौ यहूदी लोग ऐक हौयौ पौलुस कै खिलाफ हौए गौवै, औरौ तैसी न्याय आसन कै सामणै लायौ बौलदै लागै,

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

रोमियों 15:25

पौरौ इबी तौ हांव पौरमेशवर कै पवित्र लोगौ कै भैंट दैणौ कै खातिर यरूशलेम शहर कै जांदा लागै रौआ।

रोमियों 15:31

कै हांव यहूदिया प्रदेश कै अबिशवाशियौं शै ठीक ठाक बौचेयौ रोऊं, जू चीज़ मोऐं यरूशलेम शहर कै आगु नी लोए, तिथलैई तिथै रौणौवाल़ै पवित्र लोग आनंदित हौए जांदै।

रोमियों 16:2

कै जू प्रभु कै औसौ, तियौं का स्वागत कौरौ, औरौ जैसी कोसी बात दै तियौंकै तुऔं लोगौ शै मौदद चैंई, तियौंकै मौदद कौरौ; जिथुकै सै बै बौहितै कै यानी मैरी बै मौदद कौरणौवाल़ी हौए रौए।

रोमियों 16:5

औरौ तियौं कलीसिया कै बै नमशकार जू तिनकै घोरे कौठै हौंव। मैरै प्यारे इपैनितुस कै जू एशिया प्रदेश शै मसीह पांदी बिशवाश कौरणौवाल़ा पोयला आदमी थिया। नमशकार।

1 कुरिन्थियों 1:16

ऐबै मुखै याद औसौ कै मोऐं स्तिफनास कै परिवार खै बै बपतिस्मा दैय राए; इनुखै छोड़ेयौ, हांव ना जाणु कै मोऐं ओकी कोसी खै बपतिस्मा दिया।

1 कुरिन्थियों 16:1

ऐबै यरूशलेम शहर दै पौरमेशवर कै लोगौ कारिए जू पौयसै तुऐं कौठै कौरेयौ, दैणै चांव तौ जैशै मोऐं गलातिया प्रदेश कै कलीसियाओं खै पौयसै कै बारै दै बौताए राए थियु तुऐं बै तैशैखैई कौरौ।

1 कुरिन्थियों 16:17

औरौ हांव स्तिफनास औरौ फूरतूनातुस औरौ अखइकुस कै आणौ शै खुशी औसौ, जिथुकै तिनुऐ सैजी मौदद कोरी लौए जू मौदद तुऐं दूर शै इबी ना कोरी सौकौ।

2 कुरिन्थियों 8:4

तिनुऐ तौ आमु कैईंदै बैजाए बिन्ती कौरेयौ मुं कैईंदै रजामंदी मांगै कै तिनु बै यरूशलेम शहर कै बिशवाशियौं कै मौदद कारिए सेवा-कै काम दा हिस्सा लोणो का मौका भैटौ।

2 कुरिन्थियों 9:1

ऐबै यरूशलेम शहर दै बिशवाशियौं कै धन दैणौ कै सेवकाई दै जू पवित्र लोगौ कारिए कौरे जांव, मुखै तुऔं खै लिखणौ जौरुरी ना आथी।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

फिलेमोन 1:7

जिथुकै ओए रै बिशवाशी भाई, हांव बैजाए खुशी औरौ उत्साहित होऊं जोबै ओकीआरी तैरै प्यार कै दैखु, इथकारिए कै तैरै दवारा पौरमेशवर कै लोग तरो ताजा हौए जांव।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।

प्रकाशितवाक्य 14:4

ऐजै सैजै औसौ जू पवित्र जीवन जियौंए। ऐजै तिनु लोगौ कै जैशणै औसौ, जिनुवै ऐक बैई बै नाजायज सौमबंध ना बाणी औरौ ना ही इनुवे कौलोंई कियौंई चीज़ौ कै पूजा कौरे, ऐजै सिरफ मेम्ने कै ही आराधना कौरौ जिथै मेम्ना जांव, ऐजै लोग तैसकै पौछौड़ियौ हौए जांव। ऐजै सैजै औसौ जिनुकै धोरती कै सौबी आदमियों शै जौई कौरे राए। जैशै लोग आपणै खेतौ कै फसल का सौबिदा आछा हिस्सा पौरमेशवर कै दैंव तैशैखैई ऐजै लोग बै आपणै जीवन कै पूरी पवित्रता कै साथै पौरमेशवर औरौ मेम्ने कै दैंव।