1 कुरिन्थियों 16:14 - सिरमौरी नौवाँ नियम

¹⁴ सौबै ठुँ प्यार शै कौरेया।

Sirmouri

¹⁴ जुण्जो किऐ करह् सेजो पियार शो करह्।

1 कुरिन्थियों 16:14 ပူးပေါင်းရင်းမြစ်များ

यूहन्ना 15:17

इनु बातौ की आज्ञा हांव तुऔं इथकारिए दियु कै तुऐं ऐकी दुजैआरी प्यार राखौ।”

रोमियों 14:15

जै तैरा भाई तैरै खाणौ कै बौजैह शै उदास हौंव, तौ तोबै तू प्यार कै हिसाब शै ना चालै, तौ आमु चौकश रौणौ चैंई ताकि आमु भोजन कै बौजैह शै अमारै साथी बिशवाशी कै बिशवाश खै नाश ना कौरु, जिथुकै मसीह तैसकै खातिर बै मौरा थिया।

1 कुरिन्थियों 12:31

सौबवे भाषा का मतलब बौताणौ वाल़ै ना आथी, इथकारिए तुऔं ईमानदारी शै सौबीआरी इस्तैमाल हौणौवाल़ै वरदानो कै इछा कौरणै चैंई। पौरौ ऐबै आंव तुऔं सौबी दी आछै बाट दिखोऊ।

1 कुरिन्थियों 14:1

इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

1 कुरिन्थियों 16:15

ओए रै बिशवाशी भाईयों, तुऐं स्तिफनास औरौ तैसकै परिवार कै जाणौए, कै सै अखाया प्रदेश कै आगलै आदमी थिए जिनुवै मसीह पांदी सौबिदा आगै बिशवाश कौरा औरौ संत लोगौ कै सेवा कै खातिर तैयार रौवै।

1 कुरिन्थियों 8:1

ऐबै मूर्ति कै सामणै बल़ि कौरेयौंदी चीज़ौ कै बारै मुंजी आमु जाणुए, कै आमु सौबी खै ज्ञान औसौ: ज्ञान घमण्‍ड पौयदा कौरौ, पौरौ प्यार लैई बौढ़ौतरी हौंव।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

1 थिस्सलुनीकियों 3:12

आमै ऐजै प्रार्थना कौरु कै प्रभु ऐशै कौरौ कै, जैशैखै आमै तुऔंआरी प्यार कौरु, तैशैखैई तुऐं बै ऐकी दुजैआरी प्यार कौरौ, औरौ सौबी लोगौ कै साथै तोंवारा प्यार हौजौ बै बौढ़ौ, औरौ हमैशा बौढ़दा जांव।

1 थिस्सलुनीकियों 3:6

पौरौ इबी तीमुथियुसे जू तोंवारै धोरे पौरैशा अमारै इथै आयौ, तोंवारै बिशवाश औरौ प्यार का सुसमाचार शुणौऊवा। इयौं बातौ खै बै शुणाए, कै तुऐं सौदा प्यार कै साथै आमुखै याद कौरौ, औरौ आमुखै दैखणौ कै लालसा बै राखौए, जैशैखै आमै बै तुऔं दैखणौ कै राखुए।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

इब्रानियों 13:4

बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।