1 कुरिन्थियों 16:13 - सिरमौरी नौवाँ नियम

¹³ चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

Sirmouri

¹³ बीऊँजी रूऐ, बिश्वाषो दे पाकै रूऐ, हिम्मत करह्, तागतबर बंणों।

1 कुरिन्थियों 16:13 ပူးပေါင်းရင်းမြစ်များ

मत्ती 25:13

इथकारिए जागदै रौव, जिथुकै ना तौ तुऐं तैसी दूस खै जाणौ औरौ ना तैसी सौमय कै जोबै हांव पाछु आन्‍दा।”

मत्ती 26:41

जागदै औरौ प्रार्थना कौरदै रौंव कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद नी कौरौ। तोंवारा दिमाक ठीक काम कौरणा चांव, पौरौ तोंवारै शोरीरो दै ताकत कै कमी औसौ।”

लूका 21:36

इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

2 कुरिन्थियों 1:24

ऐजौ ना आथी, कै आमै बिशवाश कै बारै मुंजी तुऔं पांदी राज कौरणा चोऊं; पौरौ तोंवारै आनन्द दै शामिल औसौ जिथुकै तुऐं बिशवाश दै बौणीए रौंव।

गलातियौं 5:1

मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

इफिसियों 3:16

हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

इफिसियों 6:10

आखिर दै प्रभु कै शौकतीशाली आत्मिक शौकतै शै मोजबूत बौणौ।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

फिलिप्पियों 4:1

इथकारिए ओए रै मैरै प्यारे भाईटु, हांव तुऔंआरी बैजाए प्यार कौरु औरौ मोऐं तुऔंआरी भैटिणौ का इंतजार कौरे लौआ। मैरै प्यारे साथियो तुऐं लोग मैरी खुशी औरौ मुकुट औसौ, प्रभु मुंजी आपणै बिशवाश पांदी मोजबूत बौणैयौंदे रौव।

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

कुलुस्सियों 4:2

लगातार प्रार्थना कौरदै रौव, औरौ जोबै तुऐं प्रार्थना कौरौ तौ चौकश रौव औरौ सौदा पौरमेशवर का धन्यवाद कौरदै रौव।

1 थिस्सलुनीकियों 3:8

जिथुकै ऐबै ऐजौ जाणणौ कि तुऐं प्रभु दा मोजबूती शै बिशवाश कौरे लौआ, तौ ऐजौ आमु कारिए नौवें जीवन कै जैशणौ औसौ।

1 थिस्सलुनीकियों 5:6

इथकारिए आमु अबिशवाशियौं कै जैशणौ सौतेयौंदै नी रौणौ चैंई, पौरौ जागदै औरौ चौकश रौणौ चैंई।

2 थिस्सलुनीकियों 2:15

इथकारिए ओए रै बिशवाशी भाईयों, तिनु बातौ पांदी बिशवाश कौरदै रौव जू आमुए तुऔं शिखाए रैई थी, जोबै आमै तोंवारै साथै थिए या जू चिट्ठी आमुए भैजै।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

2 तीमुथियुस 2:1

इथकारिए ओए रै मैरा बैटा, तीमुथियुस आपणा हौंसला बौढ़ा, ऐजौ जाणैयौ कै पौरमेशवरे ताखै सैजा अनुग्रह दैय राए जू सिरफ मसीह यीशु कै ढौबौशा आंव।

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

2 तीमुथियुस 4:7

जैशै ऐक आछा योध्दा लोड़ाए दै हार ना मानौ तैशैखैई मोऐं बै प्रभु कारिए कड़ी मैहनत कौरणै ना छुड़ी। मोऐं मसीह का दैएयौंदा काम पूरा कौरे राए, हांव प्रभु दा आखरी तौड़ी बिशवाश लायक रौए रौआ।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

प्रकाशितवाक्य 16:15

दुष्टआत्माएं शासको खै औरौ तिनकै सैनाओं खै तैसी ठाँव पांदी कौठै कौरे जिथु इब्रानी भाषा दौ हर-मगिदोन बौल़ै जांव। इथकारिए प्रभु यीशुए बौल़ौ, “ऐजी बात शुणौ। मैरौ आणौ चोर कै आणौ कै जैशणौ एकदम हौंदौ। धन्‍य औसौ सैजा आदमी जू मैरै आणौ पांदी बिजैयोंदा रौंव, औरौ आपणै लुस्कै तैयार राखौ। तोबै सै नांगै ना हौंदै औरौ किछै बै तिनु शर्मिंदा ना कौरदै चाहै सै बायरै बैजाए लोगौ कै बीच बै जालै।”