1 कुरिन्थियों 16:11 - सिरमौरी नौवाँ नियम

¹¹ इथकारिए कुणिए बै तैसकी बैज्जती नी कौरेया, पौरौ शान्तै शै मैरै धोरे भैजी दैया; जिथुकै मोऐं तैसका इंतजार कौरे लौआ, कै सै बिशवाशियौं कै साथै आंव।

Sirmouri

¹¹ ईन्देंखे कुँऐं तेसी छूटा ने जाँणें, परह् तेसी सुवाँ करियों तेसी ढबे पहूचाल़ी दिऐ, के से मुँह कैई आऐ ज़ाँव; किन्देंखे के मुँऐ तेस्की बाट-बाट दे:खी लऐ, के से बिश्वाषी भाऐ आरी आँव।

1 कुरिन्थियों 16:11 ပူးပေါင်းရင်းမြစ်များ

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

प्रेरितो कै काम 15:3

औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

प्रेरितो कै काम 15:33

यहूदा औरौ सीलास किछै दूस रौयौ बिशवाशी भाईयों खै आर्शीवाद दैयौ विदा हौवे कै आपणै भैजणौवाल़ै कै धोरे जांव।

1 कुरिन्थियों 16:10

जै तीमुथियुस तोंवारै धोरे कुरिन्थुस शहर दा आंव तौ तैसका आपी मुंजी स्वागत कौरेया, जिथुकै सै मैरै जैशणा प्रभु का काम कौरौ।

1 कुरिन्थियों 16:6

हौए सौकौ कै हांव तोंवारै साथै लाम्बै सौमय तौड़ी रोऊं या शायद पूरै जाड़ै कै मौसम दा, औरौ औटेयौ जिथै बै हांव जोऊं, तौ तुऐं मुखै मैरी यात्रा पांदी भैजै सौकौ।

2 कुरिन्थियों 1:16

मैरै तरकीब थै कै हांव तोंवारै धोरे दा हौयौ मकिदुनिया प्रदेश खै जोऊं, औरौ तोबै मकिदुनिया पौरैशा आयौ तोंवारै धोरे ओऊं, ताकि हांव तुऔं कैईंदै यहूदिया प्रदेश कै यात्रा कारिए मौदद पौऊं।

1 थिस्सलुनीकियों 4:8

इथकारिए जू इनु नियमौ खै ना मानौ, सै आदमी कै नी, पौरौ पौरमेशवर कै नियमौ खै ना मानौ, जैणै आपणा पवित्र आत्मा तुऔं खै दैय राए।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

3 यूहन्ना 1:6

तिनुमुंजी दै किछै लोग इथै कै कलीसिया कै बिशवाशियौं कै साथै तैरै प्यार कै बारै मुंजी बौताए राए जू तू आपणै मसीहियों शै कौरे। ऐबै हांव तांव कैई बुलू कै ताखै ऐशणै लोगौ कै मौदद कौरणी चैंई जू ऐक जौगैह शै ओकी जौगैह दै सफर कौरौ जिथुकै ऐशै कौरणौ पौरमेशवर कै आछौ लागौ।