1 कुरिन्थियों 15:9 - सिरमौरी नौवाँ नियम

⁹ जिथुकै हांव चोणेयौंदे चैलो मुंजीदा सौबिदा कम खास औसौ, सौथी कै चोणेयौंदा चैला बोल़णो कै लायक बै ना आथी, जिथुकै मोऐं पौरमेशवर कै कलीसिया दै बिशवाशियौं खै सोताए राए थिए।

Sirmouri

⁹ किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

1 कुरिन्थियों 15:9 ပူးပေါင်းရင်းမြစ်များ

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

2 कुरिन्थियों 11:5

मैरै जाणियौ कै हांव तिनुदा आछा औसौ जिशैक सैजै लोग जू ऐशैकै दिखावा कौरौ कै सै सौबी चोणेयौंदे चैलै मुंजीदै बौड़ै औसौ।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

गलातियौं 1:13

भाईयों, तुऐं जाणौए कै जोबै मोऐं यहूदी धरम का पालन कौरे लौआ थिया, तौ कैशै जियुं थिया। मैरै बौहितै सारै साथी जू मैरै ही उमर कै थिए, सैजै बै यहूदी धरम का पालन कौरौ थिए, पौरौ हांव तिनु सौबिदा बैजाए औगौड़ियौ थिया, जिथुकै हांव आपणै पुराणिया कै भोवार का पूरै दिल शै पालन कौरु थिया। तैसी सौमय हांव यीशु कै लोगौ कै जू पौरमेशवर कै आराधना कौरौ थिए, सोतोऊं थिया, मोऐं तिनु सौबी खै नाश कौरणौ कै कौचिश कौरे।

गलातियौं 1:23

पौरौ तिनुऐ बार-बार शुणु, कै ऐक सौमय जू अमारा सौताणौवाल़ा थिया, ऐबै यीशु मसीह दा तैसी बिशवाश का प्रचार कौरौ, जिथु सै नाश कौरणौ कै कौचिश कौरौ थिया।

फिलिप्पियों 3:6

जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।