1 कुरिन्थियों 15:6 - सिरमौरी नौवाँ नियम

⁶ तोबै पाँच सौ शै जादा चैलै खै ऐक साथै दैखिया, जिनु मुंजीदै बौहितै सारै इबी तौड़ी जियुंदी औसौ, पौरौ किछै मौरे गौवै।

Sirmouri

⁶ तबे से पाँच षौ शे जादा बिश्वाषी भाऐ बंईणों कैई शे ऐक साथ देखिऐ; जिन मुझ्शे ऐत्लो भे कऐयों लोग जींऊँदी असो, अरह् कऐयों लोग मरी गुऐ।

1 कुरिन्थियों 15:6 ပူးပေါင်းရင်းမြစ်များ

मत्ती 28:10

तोबै यीशुए तिनी बुलू, “डौरेया नै; मैरै चैलै खै जायौ खै बौल़ौ कै गलील जिले खै जाव, तिथै मुखै दैखदै।”

मरकुस 16:7

ऐबै तुऐं जाव, औरौ तैसकै चैलै औरौ पतरस खै बौल़ौ, कै यीशु जियुंदी औसौ, सै तुऔं दा आगै गलील जिले खै जांदा लागै रौआ। तुऐं तैसीखै तिथै दैखदै जिथै तैणै मौरणौ दो औगौड़ियौ बौल़ै राए थियु।”

प्रेरितो कै काम 13:36

जिथुकै राजा दाऊद तौ पौरमेशवर कै इछा कै हिसाब शै आपणै सौमय दै सेवा कौरेयौ मौरे गौआ, औरौ आपणै पुराणिया आरी मिलै गौआ, औरौ शोड़े बै गौआ। इथलैई आमै जाणै पोऊँ कै दाऊद राजाए आपणै बारै मुंजी ना बौल़ै रैई थी।

प्रेरितो कै काम 7:60

हौजौ घुंडू नियुड़ायो जोर सै बौल़ौ, “ओए रै प्रभु, ऐसी पाप कारिए इनु माफ कौर।” ऐजौ बौलेयौ सै मौरे गौआ।

1 कुरिन्थियों 15:18

जै मसीह मौरेयौंदे मुंजीदा ऊबा ना बिज़ रैई, तौ जू बिशवाशी मौरे गौवै, तिनु बौचाए ना रैई, बल्कि सै नाश हौए गौवै, औरौ सै सौदा कारिए पौरमेशवर शै जौई हौए गौवै।

1 कुरिन्थियों 15:20

पौरौ सौचाई ऐजी औसौ कै पौरमेशवरे सौथीखै मसीह खै मौरेयौंदे मुंजीदा जियुंदी कौरा, इयौं आशा लैई सै तिनु लोगौ कै बै जियुंदी कौरदा जू मौरे गौवै।

1 थिस्सलुनीकियों 4:13

ओए रै बिशवाशी भाईयों, आमै चोऊं कै तुऐं ऐजौ जाणै पाव कै तिनु बिशवाशियौं कारिए ऐजौ कैशै हौंदौ जू आगै ही मौरे गौवै। ऐशै नी हौंव, कै तुऐं ओकी कै जैशणा शोक मौनांव जिथुकै तिनु आशा ना आथी कै मौरणौ कै बाद सै औटेयौ जियुंदी हौए जांदै।

1 थिस्सलुनीकियों 4:15

आमै प्रभु यीशु कै वचन कै हिसाब शै तुऔं खै ऐजौ बुलू, कै आमु मुंजीदै जू प्रभु यीशु कै औटेयौ पाछु आणौ तौड़ी जियुंदी रौंदै, औरौ सैजै बिशवाशी जू आगै मौरे गौवै, सै जियुंदी हौंदै औरौ तोबै आमै सौब प्रभु यीशु शै भैटिंदै।

2 पतरस 3:4

औरौ सै बौलदै, “तैसका आणौ का वादा साचा ना आथी! सै कौलोंई ना आन्‍दा, जिथुकै जू शुरुआत दै अमारै अगुवे थिए, सै सौबै जोणे मौरे गौवै, पौरौ तोबै बै किछै ना बौदल़ी। चीज़ौ तैशैखैई हौन्दी लागी रौई जैशै सै तौलौ हौंव थी जौल़ौ पौरमेशवरे दुनिया कै बाणै थै।”