1 कुरिन्थियों 15:52 - सिरमौरी नौवाँ नियम

⁵² ऐजौ एकदम हौंदौ, ऐतरो तावल़ो जैतरी तावल़ी कुणिए आखी झौपकौ। जोबै आखरी तुरही बौजाए जांदी तौ जू लोग मौरे गौवै सैजै सौदा कै जिन्दगी जिणौ कारिए औटेयौ जियुंदी हौंदै औरौ आमै जू जियुंदी औसौ, अमारै शोरीर बौदलै जांदै।

Sirmouri

⁵² अरह् ऐजो पल्क-झप्कदे ऐगड़ी खे होंदो, अरह् आखरी तुरही-रंणशिन्गों फुक्रो ज़ालो, अरह् तियों तुरही-रंणशिंगों फुकर्दे ही मुड़्दे अभिनाँषी देह्-शरीर की दषा दे ऊबे बीऊँदे, अरह् आँमें बादे बद्ल़ी ज़ाँदे।

1 कुरिन्थियों 15:52 ပူးပေါင်းရင်းမြစ်များ

मत्ती 24:31

हांव आदमी का बैटा आपणै स्‍वर्गदूतौ कै तुरही कै बौड़ै आवाज़ो कै साथै भैजदा जू चोऊ दिशाओं शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

यूहन्ना 5:28

ऐजौ सौबै शौणैबा हैरान ना हौ, जिथुकै सैजा सौमय आन्दा लाग रौआ, जोबै सौबै मौरेयौंदे लोग मैरै आवाज़ शुणल़ै तोबै सैजै जियुंदी हौए जांदै।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

1 कुरिन्थियों 15:42

तौ ऐशैखैई मौरेयौंदे लोगौ कै औटेयौ मौरेयौंदे मुंजीदा जियुंदी हौणौ हौंदौ। जैसी शोरीर खै सै दफनांव, सैजाई ऐशणा शोरीर औसौ जू शोड़े जांव, पौरौ जोबै ऐजा शोरीर औटेयौ जियुंदी हौला तौ ऐजा ऐक ऐशणा शोरीर हौंदा जू शोड़े ना सौकौ।

1 कुरिन्थियों 15:50

ओए रै बिशवाशी भाईयों, इयौं धोरती पांदी अमारै शोरीर मांस औरौ लोऊ लैई बौणै रौवै; आमु स्वर्ग दै पौरमेशवर कै राज्य दै आपणै ऐसी शोरीर कै साथै ना रौए पांदै जू मौरे सौकौ, जिथुकै तिथै कुणजै मौत ना आथी।

1 थिस्सलुनीकियों 4:15

आमै प्रभु यीशु कै वचन कै हिसाब शै तुऔं खै ऐजौ बुलू, कै आमु मुंजीदै जू प्रभु यीशु कै औटेयौ पाछु आणौ तौड़ी जियुंदी रौंदै, औरौ सैजै बिशवाशी जू आगै मौरे गौवै, सै जियुंदी हौंदै औरौ तोबै आमै सौब प्रभु यीशु शै भैटिंदै।

2 पतरस 3:10

पौरौ मसीह पाका पाछु आन्‍दा। सै एकदम ही पाछु आए जांदा, जैशैकै कुणिए चोर एकदम ही आए जांव। तैसी सौमय गौयणै दा गुड़कौ का शाद हौंदा, औरौ गौयण छिपै जांदै। गौयणै दौ सौबै ठुँ, यानी सुरज, चांद औरौ तारै पूरी तरह शै जौल़ै जांदै। तैसी दूसै पौरमेशवर तिनु सौबी कामौ खै प्रगट कौरे दैन्दा जू लोगै कौरे राए ताकि तिनका न्याय कौरे सौकौ।

प्रकाशितवाक्य 8:13

जोबै मोऐं औटेयौ दैखौ, मोऐं ऐक बाज खै गौयण दै ऊंचे उड़दै बैई दैखौ औरौ ऊंचे शब्द लैई ऐजौ बौलदै बैई शुणु, “जोबै आखरी तीन स्‍वर्गदूत तिनु तुरही खै फूंकौ जू तिनु दैय राए, तोबै दुनिया कै सौबै लोगौ पांदी आणौवाल़ै मुसीबतौ बैजाए ही खतरनाक औसौ। धोरती कै रौणौवाल़ै पांदी, हाय, हाय, हाय!”

प्रकाशितवाक्य 8:2

औरौ मोऐं तिनु सातो स्‍वर्गदूतौ खै जू पौरमेशवर कै सामणै खौड़ै रौंव, दैखै, औरौ तिनु सात तुरहियाँ दैय दी।