1 कुरिन्थियों 15:51 - सिरमौरी नौवाँ नियम

⁵¹ शुणौ! हांव तुऔं पांदी ऐक भैद प्रकट कौरु: आमै सौबै सोतै ना जांदै पौरौ आमु सौबी का रुप बौदलै जांदा।

Sirmouri

⁵¹ दे:खो, हाँव तुँओं कैई ऐक राज भेद् की बात बुलू: आँमें बादे ने मर्दे परह् बादे बद्ल़ी ज़ाँदे,

1 कुरिन्थियों 15:51 ပူးပေါင်းရင်းမြစ်များ

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 15:18

जै मसीह मौरेयौंदे मुंजीदा ऊबा ना बिज़ रैई, तौ जू बिशवाशी मौरे गौवै, तिनु बौचाए ना रैई, बल्कि सै नाश हौए गौवै, औरौ सै सौदा कारिए पौरमेशवर शै जौई हौए गौवै।

1 कुरिन्थियों 15:20

पौरौ सौचाई ऐजी औसौ कै पौरमेशवरे सौथीखै मसीह खै मौरेयौंदे मुंजीदा जियुंदी कौरा, इयौं आशा लैई सै तिनु लोगौ कै बै जियुंदी कौरदा जू मौरे गौवै।

1 कुरिन्थियों 15:6

तोबै पाँच सौ शै जादा चैलै खै ऐक साथै दैखिया, जिनु मुंजीदै बौहितै सारै इबी तौड़ी जियुंदी औसौ, पौरौ किछै मौरे गौवै।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

1 कुरिन्थियों 4:1

ठीक तौ ऐजौ हौन्दौ कै लोग आमु यीशु मसीह कै सेवक औरौ पौरमेशवर कै भण्‍डारी सौमझौ, जिनु सुसमाचार कै छिपैयौंदे सौचाई खै सौमझणौ का काम सौंपै राए।

2 कुरिन्थियों 5:2

इथमुंजी तौ आमै लैलयोऊं औरौ बौड़ी लालसा राखु; कै आमु ऐक ऐशणा शोरीर दैंव जू अमारै स्वर्गीय घौरौ कै जैशणा हौंदा।

2 कुरिन्थियों 5:4

औरौ आमै ऐसी शोरीर दै रौयौ जू तोम्बू कै जैशणै पौरैशानी कै बौझ कै धैनै दौबेयौ लेलयांदै रौंव; जिथुकै आमै इनु सांसारिक शोरीरो खै छोड़णा ना चोऊं, पौरौ आमै चोऊं कै पौरमेशवर आमु स्वर्गीय शोरीर दैंव, ताकि ऐजै शोरीर जू मौरे जांदै सै सौदा कै जिन्दगी लैई बौदलै जांदै।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 3:3

यानी जैशै मोऐं थोड़ै शब्दो दै तुऔं आगै लैखै राए, पौरमेशवरे खुद मुखै तियौं छिपैयौंदे योजना कै दिखाए राए।

इफिसियों 5:32

ऐजा भैद तौ बौड़ा औसौ; ऐजी ऐक कीमती औरौ गंभीर शिक्षा औसौ पौरौ मोऐं सौथीखै मसीह औरौ कलीसिया कै बीच कै सौमबंध कै बारै मुंजी बात कौरे लौए।

फिलिप्पियों 3:21

सै आपणै शौकतै कै तैसी प्रभाव कै हिसाब शै जिथकै दवारा सै सौबै चीज़ौ कै आपणै काबू दी कौरे सौकौ, औरौ अमारै कमजोर शोरीर का रुप बौदलैयौ आपणै महिमामय शोरीर कै जैशणा बाणै दैन्‍दा।