1 कुरिन्थियों 15:50 - सिरमौरी नौवाँ नियम

⁵⁰ ओए रै बिशवाशी भाईयों, इयौं धोरती पांदी अमारै शोरीर मांस औरौ लोऊ लैई बौणै रौवै; आमु स्वर्ग दै पौरमेशवर कै राज्य दै आपणै ऐसी शोरीर कै साथै ना रौए पांदै जू मौरे सौकौ, जिथुकै तिथै कुणजै मौत ना आथी।

Sirmouri

⁵⁰ हे मेरे भाऐ बंईणों, हाँव ऐशो बुलू, के माँस अरह् लह्ऊँ पंणमिश्वर के राज्य को हंकदार ने हऐ सक्दो; अरह् ना नाँष-वाँन, अ-बिनाँषी का हंकदार बंणी सक्दा।

1 कुरिन्थियों 15:50 ပူးပေါင်းရင်းမြစ်များ

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 1:12

मैरै बौलणौ का मतलब ऐजा औसौ, कै तुऔं मुंजीदै कुणिए तौ आपी खै बौल़ौए, “हांव पौलुस का चैला औसौ,” कुणिए बौल़ौ “हांव अपुल्लोस का चैला औसौ,” तौ कुणिए बौल़ौ “हांव पतरस (कैफा) का चैला, या हांव मसीह का चैला औसौ।”

1 कुरिन्थियों 15:42

तौ ऐशैखैई मौरेयौंदे लोगौ कै औटेयौ मौरेयौंदे मुंजीदा जियुंदी हौणौ हौंदौ। जैसी शोरीर खै सै दफनांव, सैजाई ऐशणा शोरीर औसौ जू शोड़े जांव, पौरौ जोबै ऐजा शोरीर औटेयौ जियुंदी हौला तौ ऐजा ऐक ऐशणा शोरीर हौंदा जू शोड़े ना सौकौ।

1 कुरिन्थियों 15:44

जोबै शोरीर खै दबाया जांव, तौ ऐजा ऐक कुदरती शोरीर औसौ; पौरौ जोबै सै औटेयौ जियुंदी हौंव, तौ आत्मिक शोरीर हौंदा। जै ऐक कुदरती शोरीर औसौ तौ आत्मिक शोरीर बै औसौ।

1 कुरिन्थियों 6:10

ना चोर, ना लोभ कौरणौवाल़ै, ना पियक्कड़, ना गाल़ी दैणौवाल़ै, ना अन्धेर कौरणौवाल़ै पौरमेशवर कै राज्य कै वारिस ना हौंदै।

1 कुरिन्थियों 6:13

जैशै भोजन अमारै शोरीरो कारिए औरौ शोरीर भोजन कारिए औसौ, पौरौ पौरमेशवर इथुकै औरौ तिथुकै दुईनै खै नाश कौरदा, शोरीर गौलत सौमबंध राखणौ कारिए ना आथी, औरौ आमु आपणै शोरीर का इस्तैमाल तिनु कामौ कारिए कौरणा चैंई जू प्रभु चांव। अमारा शोरीर प्रभु का औसौ।

1 कुरिन्थियों 6:9

तुऐं जौरुर जाणौ, कै अन्यायी लोग पौरमेशवर कै राज्य कै वारिस ना हौंदै? कुणिए तुऔं धौखै लैई ऐजौ सुंचणौ पांदी मोजबूर नी कौरौ कै तुऐं बुरै कामौ खै कौरे सौकौ औरौ तोबै बै पौरमेशवर कै लोग औसौ। ना वेश्यगामी, ना मूर्तिपूजा कौरणौवाल़ै, ना सैजी बैटमाणिशौ जू आपी मुंजी नाजायज रिशतै राखौ, ना लुचै, ना सैजै मर्द जू आपी मुंजी नाजायज रिशतै राखौ।

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

2 कुरिन्थियों 9:6

पौरौ बात तौ ऐजै औसौ जू ठिकु बौंव, सै ठिकु ही काटदा; औरौ जू जादा बौंव, सै जादा काटदा।

गलातियौं 3:17

जू मोऐं बौल़ै लौ तिथका मतलब ऐजा औसौ कै पौरमेशवरे अब्राहम कै साथै ऐक कौरार बानै राए थै यानी तियौं पूरै कौरणौ कै प्रतिज्ञा बै कौरे राए थै। कौरार बानणो कै चार शौ तीस सालो बाद देएयोंदे मूसा कै कानून ना तौ पौरमेशवर कै कौरार कै मिटाए सौकौ। औरौ ना ही पौरमेशवर कै प्रतिज्ञा कै बैकार बाणै सौकौ।

गलातियौं 5:16

पौरौ हांव बुलू, पवित्र आत्मा खै तुऔं खै काबू दै कौरणौ दौ। तोबै तुऐं सैजौ ना कौरदै जिथका तोंवारा पापी स्‍वभाव लालसा कौरौ।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

कुलुस्सियों 2:4

हांव ऐजौ इथकारिए बुलू कै कुणिए आदमै तुऔं झूठी शिक्षाओं पांदी बिशवाश कौरणौ कारिए राजी कौरेयौ धौखा नै दैंव

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।