1 कुरिन्थियों 15:4 - सिरमौरी नौवाँ नियम

⁴ सै धोरती दा दफनाए गौआ; पवित्र शास्त्र कै हिसाब शै तिजै दूसै सै मौरेयौंदे मुंजीदा जियुंदी हौआ।

Sirmouri

⁴ अरह् दाबी दिते, अरह् पबित्र-ग्रन्थों के हिसाब शे से च़ींज़े देसे ऊबे जीऊँदें हुऐ,

1 कुरिन्थियों 15:4 ပူးပေါင်းရင်းမြစ်များ

मत्ती 12:40

योना तीन रात औरौ तीन दूस बौड़ी माछी कै पेटोऊदा रौआ, तैशैखैई हांव आदमी का बैटा तीन रात औरौ तीन दूस धोरती कै भीतरै रौंदा।

मत्ती 16:21

तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

मत्ती 20:19

औरौ मुखै बैगानै यहूदी कै हाथौ दै सोंपदै। औरौ मैरा मोजाक ऊड़ालै, औरौ कौड़ै मारले, औरौ क्रूस पांदी चौढ़ाल़ै, औरौ हांव ती दूसौ दा जियुंदी हौए जांदा।”

मरकुस 9:31

जिथुकै यीशु आपणै चैलै खै साथी जादा वकत बितायेबा तिनुकै शिखाणौ चांव थिया। औरौ तिनुखै बौल़ौ थिया, “हांव आदमी का बैटा, बौयरै कै हाथौ लैई थोम्बाया जांदा, औरौ ऐजै लोग मुखै मारै दैंदै; औरौ हांव मौरणौ कै ती दूसौ कै बाद हौजौ जियुंदा हौए जोऊंबा।”

लूका 24:26

ऐजौ जौरुरी थियु, कै मसीह ऐजा दुख टिपयौ औरौ हौजौ आपणी महिमा दा प्रवेश कौरौ?”

लूका 24:46

औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा,

लूका 9:22

औरौ तैणै बौल़ौ, “मुं आदमी कै बैटै कारिए जौरुरी औसौ, कै बौहितै दुख झैलू, औरौ बुड़ेईक औरौ मुख्य यहूदी पुरोहित, औरौ यहूदी शास्त्री मुखै नोकारा सौमझेयौ मारै दैलै, पौरौ हांव ती दूसौ कै बाद जियुंदी हौंदा।”

यूहन्ना 19:38

इनु बातौ कै बाद अरिमतियाह गांव कै यूसुफे जू यीशु का चैला थिया, पौरौ यहूदी नेताओं कै डौरौ शै इयौं बातौ खै छिपाए राखौ थिया। तैणै राज्यपाल पिलातुस शै बिन्ती कोरी हांव यीशु की लाश लोए जोऊं, राज्यपाल पिलातुसे तैसकै बिन्ती शौणै, औरौ यूसुफ आयौ कै यीशु कै लाश लोऐ गौआ।

प्रेरितो कै काम 1:3

औरौ यीशु खै दुख उठाणौ औरौ मौरणौ कै बाद भौरिशै पाकै निशानो लैई आपी खै तिनु जियुंदी दिखांदा रौआ, औरौ चाल़ीश दूसौ तौड़ी सै चोणेयौंदे चैलै खै दैखिंदा रौआ, औरौ पौरमेशवर कै राज्य की बातौ कौरदा रौआ।

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

रोमियों 6:4

इथकारिए जोबै आमुए बपतिस्मा लौआ तौ ऐजौ ऐशै थियु जैशै आमु मसीह कै साथै मौरे गौवै औरौ तैसकै साथै दफनाए बै दियै। ताकि जैशैखै मसीह, पौरमेशवर पिता कै महिमा कै दवारा मौरेयौंदे मुंजीदा जियुंदी हौए गौआ, तैशैखैई आमै बै ऐक नौवें तरीकै शै जीवन जिंदै।

कुलुस्सियों 2:12

जोबै तुऔं बपतिस्मा दिया तोबै मसीह कै जैशणै तोंवारै पाप कौरणौ कै स्‍वभाव कै दबाए दिए औरौ तैशैखैई तुऔं नौवें स्‍वभाव कै साथै जियुंदी कौरे दिए जैशैकै मसीह कै जियुंदी कौरे राए थिया। ऐशै इथकारिए हौंव जिथुकै तुऐं बिशवाश कौरे राए, कै पौरमेशवरे आपणै शौकतै कै दवारा मसीह कै मौरणौ कै बाद औटेयौ जियुंदी कौरे दिया।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।