1 कुरिन्थियों 15:32 - सिरमौरी नौवाँ नियम

³² इथै इफिसुस शहर दै, मैरै बौईरी खतरनाक जानवरो कै जैशणै औसौ, जू मुखै नुकसान पोऊंचाणा चांव। मोऐं ऐबै बै ऐजौ सौबै किथु सौय लौ, जै मैरा इनाम इयौं दुनिया दा ही औसौ। जै ऐजौ साचौ हौंदौ कै मुखै आखरी दूसौ दा औटेयौ जियुंदी ना कौरे जांदा, तौ आछौ हौंदौ कै हांव मौज़ै कौरदा, जैशैकै ऐजै कहावत औसौ, “आव आमु खोऊं पियुं जिथुकै शायद दोतियो आमु मौरे जांदै औरौ सैजा अमारा अंत हौंदा।”

Sirmouri

³² जे हाँव आदमी के हिसाब शा इफिसुस दा जानबरो आरी लड़ा तअ मेरे का फाय्दा हुआ? जे मुड़दे ऊबे ने जीयाल़े ज़ाव, “तअ आओ खाव-पीयों, किन्देखे के दोत्ती तअ मरी ही ज़ाँणों।”

1 कुरिन्थियों 15:32 ပူးပေါင်းရင်းမြစ်များ

लूका 12:19

इथकै बाद, हांव आपी खै बुलूबा, मुंआगै भौरिशै सालो कारिए बैजाए फसल कौठै औसौ, औरौ ऐबै आराम कौर, खा, पी, सुख शै रौ।’

लूका 9:25

ऐक आदमी खै का भेटलो जै तैसीकै पूरी दुनिया की चीज़ौ भेटली? पौरौ हमैशा कै जिन्दगी खोए दैला, तौ तैसीखै का फायदा हौंदा?

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 19:1

जोबै अपुल्लोस कुरिन्‍थुस शहर दा थिया, तोबै पौलुस दूरदराज प्रदेशो शा हौयौ कै इफिसुस शहर दा ओऊवा, औरौ तिथै किछै चैलै आरी भैटिया।

रोमियों 3:5

पौरौ जै अमारै दुष्ट काम पौरमेशवर कै र्धामिकता ठौहरौ, तौ आमै का बुलू? का ऐजौ कै पौरमेशवर का गुस्सा हौणा औरौ आमु सौजा दैणा गौलत औसौ? (ऐजौ तौ हांव आदमी कै तौर पांदी बुलू)

रोमियों 6:19

मोऐं गुलामी का ऐजा उदारण तुऔं खै इथकारिए दिया ताकि तुऐं इनु कामकै सौमझै सौकौ कै मोऐं का शिखाए लो। जैशै तुऐं आपणै शोरीरो कै अंगो कै अशुध्दता औरौ कुकर्म कै दास कौरेयौ सौंपै राए थिए, तैशैखैई ऐबै आपणै अंगो खै पवित्रता कारिए धार्मिक जीवन जिणौ कारिए सौंपै दैव।

1 कुरिन्थियों 16:8

पौरौ हांव पिन्तेकुस्त कै त्यौहार तौड़ी इफिसुस शहर दा रौंदा।

गलातियौं 3:15

ओए रै बिशवाशी भाईयों, मोऐं रौज कै जीवन शै उदारण दैय लौआ, जोबै दो लोग आपी मुंजी कौरार बानौ, तौ ना कुणिए तियौं टाल़ै सौकौ औरौ ना तिंदु किछै जोड़े सौकौ।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

यहूदा 1:10

सैजै लोग जू पौरमेशवर कै आराधना ना कौरौ औरौ तिनु बातौ कै खिलाफ बुरै शब्दो का इस्तैमाल कौरौ जू तिनकै सौमझ दी ना आंव; औरौ जोबै सै जोंगली जानवरो कै जैशणै बर्ताव कौरौ औरौ जिनु कामौ खै सै जाणौए तिनु सै बिना सौंचै-सौमझै कौरौ, तौ सै पौरमेशवर कै ढौबौशै सौजा भुकतदै।