1 कुरिन्थियों 15:31 - सिरमौरी नौवाँ नियम

³¹ ओए रै बिशवाशी भाईयों, हांव हर दूस मारै जाणौ कै खतरै दा औसौ। ऐजौ साचौ औसौ कै मुखै तुऔं पांदी गर्व औसौ कै तुऐं अमारै प्रभु यीशु मसीह कै साथै एकजुट औसौ।

Sirmouri

³¹ हे मेरे भाऐ बंईणों, मुँह तेसी तारीफ की शौह्, जू अमाँरे प्रभू यीशू मसीया दा हाँव तुवाँरे बारे दा करू, के हाँव रोज मंरू।

1 कुरिन्थियों 15:31 ပူးပေါင်းရင်းမြစ်များ

प्रेरितो कै काम 20:23

सिरफ ऐजौ कै पवित्र आत्मा हर नगर दै चैतावणी दैय-दैयौ मुंकैई बौल़ौ कै कैद औरौ कौल़ेश तांव कारिए तैयार औसौ।

रोमियों 8:36

जैशैखै पवित्र शास्त्र दो लैखै राए, “पौरमेशवर कै खातिर आमु हर सौमय मौत का खतरा रौंव; आमु मौरणौ वाल़ी भेड़ो कै जैशणै गिणै राए।”

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 11:23

का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

2 कुरिन्थियों 2:14

पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

1 थिस्सलुनीकियों 3:9

औरौ जैशणै खुशी आमु तोंवारै बौजैह शै आपणै पौरमेशवर कै सामणै औसौ, तिथकै बौदलै आमु तोंवारै बारै मुंजी दिल शै पौरमेशवर का धन्यवाद कौरु।