1 कुरिन्थियों 15:28 - सिरमौरी नौवाँ नियम

²⁸ जोबै सौब ठुँ पौरमेशवर कै बैटै कै औधिकार कै अधीन हौए जालो, तौ बैटा खुद खै पूरी तरह शै पौरमेशवर कै औधिकार कै अधीन कौरे दैंदा, जैणै तैसी सैजा औधिकार दैय राए। तोबै सिरफ पौरमेशवर ही प्रभु औसौ जू सौब ठुँ औरौ सौबिदा काम कौरौ।

Sirmouri

²⁸ अरह् जबे सब-कुछ तिनके बष दो करो, तअ बैटा आपु भे तिनके बष दा हंदा, जिन्दें लई सब-कुछ तिनके बंष दो करी दितो; जू सोभी दा पंणमिश्वर ही सब-कुछ हों।

1 कुरिन्थियों 15:28 ပူးပေါင်းရင်းမြစ်များ

यूहन्ना 14:28

“तुऐं शुणु, कै मोऐं तुऔं बुलो, ‘हांव जांदा लागै रौआ, औरौ तोंवारै धोरे हौजौ पाछु आन्दा।’ जै तुऐं मुं आरी प्यार कौरौ, तौ इयौं बातौ लैई खुश हौंदै, कै हांव पिता पौरमेशवर कै धोरे जांदा लागै रौआ जिथुखै पिता पौरमेशवर मुं दा बौड़ा औसौ।”

1 कुरिन्थियों 11:3

पौरौ हांव चोऊं कै तुऐं सौबै बातौ जाणै पाव कै सौबी मर्दो कौ मुंड मसीह औसौ, औरौ सौबी घोरवाल़ी कौ मुंड तियौंका घोरवाल़ा औसौ, औरौ मसीह कौ मुंड पौरमेशवर औसौ।

1 कुरिन्थियों 12:6

कैई जोई-जोई तरीकै शै पौरमेशवर अमारै जीवन दै काम कौरौ, पौरौ पौरमेशवर ऐकैई औसौ जू आमु सौबी कै जरिए काम कौरौ।

1 कुरिन्थियों 15:29

जै मौरेयौंदे खै जियुंदै ना कौरलै, तौ सैजै लोग का कौरदै जू लोग निशान कै तौर पांदी मौरेयौंदे कारिए बपतिस्मा लोंव? पौरौ इथलैई तिनु कुणजाई फायदा ना हौंदा। जै मौरेयौंदे सौथी कै औटेयौ जियुंदै ना हौंदै, तौ सै तिनकै तिनु भोवारो खै किथु मानौ?

1 कुरिन्थियों 3:23

औरौ तुऐं मसीह कै औधिकार कै अधीन औसौ, औरौ मसीह पौरमेशवर कै औधिकार कै अधीन औसौ।

इफिसियों 1:23

कलीसिया मसीह का शोरीर औसौ, मसीह अमारै बीच आपणै पूरै शौकतै का इस्तैमाल तैशैखै कौरौ जैशै सै आपणै शौकतै का इस्तैमाल सारै ब्रह्मांड दा कौरौ।

फिलिप्पियों 3:21

सै आपणै शौकतै कै तैसी प्रभाव कै हिसाब शै जिथकै दवारा सै सौबै चीज़ौ कै आपणै काबू दी कौरे सौकौ, औरौ अमारै कमजोर शोरीर का रुप बौदलैयौ आपणै महिमामय शोरीर कै जैशणा बाणै दैन्‍दा।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।