1 कुरिन्थियों 15:24 - सिरमौरी नौवाँ नियम

²⁴ तोबै, जोबै मसीह पौरमेशवर का विरोध कौरणौवाल़ी सारी बुरी शौकतै का नाश कौरे दैंदा, तिथकै बाद दुनिया का अंत हौए जांदा। तोबै मसीह आपणै पिता पौरमेशवर खै आपणा राज्य सौंपै दैंदा कि सै सोबी पांदी पूरी तरह शै राज कौरौ।

Sirmouri

²⁴ तबे अंन्त्त हंदा। तेसी बख्ते सेजे बादे हाक्म, अधिकार, अरह् शक्त्ति का अंन्त्त करियों राज परमं-पिता पंणमिश्वर के हाथो दा देऐ देंदे।

1 कुरिन्थियों 15:24 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 24:13

पौरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 13:3

यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

रोमियों 8:38

जिथुकै हांव निशोंक हौयौ जाणु कै आमुखै यीशु मसीह कै प्यार शै कुणिए बै जौई ना कौरे सौकै, ना मौत, ना जीवन, ना स्‍वर्गदूत, ना गौयणै कै शौकतै, ना वर्तमान, ना भविष्‍य, ना शौकतै, ना ऊंचाई,

इफिसियों 5:20

औरौ जू किछै अमारै प्रभु यीशु मसीहे कौरे राए तिथकै बौजैह शै सौदा अमारै पौरमेशवर पिता कै सौबै बातौ कारिए धन्यवाद कौरदै रौव।

कुलुस्सियों 2:10

मसीह हरेक शौकतै औरौ औधिकार पांदी प्रधान औसौ इथकारिए जै तुऐं मसीह दै जोड़ेयौंदे औसौ तौ तुऔं कोसी बै चीज़ कै कमी ना आथी।

कुलुस्सियों 2:15

औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।

1 तीमुथियुस 6:15

पौरमेशवर, जू एकमात्र राजा औसौ जू तारीफ कै लायक औसौ, राजाओं का राजा औरौ प्रभुओं का प्रभु औसौ, सै मसीह कै सोही सौमय पांदी प्रकट कौरदा।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।