1 कुरिन्थियों 15:20 - सिरमौरी नौवाँ नियम

²⁰ पौरौ सौचाई ऐजी औसौ कै पौरमेशवरे सौथीखै मसीह खै मौरेयौंदे मुंजीदा जियुंदी कौरा, इयौं आशा लैई सै तिनु लोगौ कै बै जियुंदी कौरदा जू मौरे गौवै।

Sirmouri

²⁰ परह् मसीया सत्तिखे मरे अंदे मुझ्शे ऊबे जियाल़ी थुऐ, अरह् ऊबे जियाल़े अंदे मुंझ्शे से आगला ही फल़ असो।

1 कुरिन्थियों 15:20 ပူးပေါင်းရင်းမြစ်များ

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 26:23

की मसीह खै दुख उठाणा पौड़दा, औरौ सै सौबिदा आगै मौरेयौंदे मुंजीदा जियुंदी हौयौ, यहूदी लोगौ औरौ बैगानै यहूदी लोगौ कारिए उध्दार कै पेयाशै का प्रचार कौरदा।”

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

1 कुरिन्थियों 15:6

तोबै पाँच सौ शै जादा चैलै खै ऐक साथै दैखिया, जिनु मुंजीदै बौहितै सारै इबी तौड़ी जियुंदी औसौ, पौरौ किछै मौरे गौवै।

कुलुस्सियों 1:18

मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

1 थिस्सलुनीकियों 4:16

जिथुकै प्रभु यीशु आपी ही स्वर्ग पौरैशा उतरदा; सै जोराल़े धाव कै साथै आदैश दैंदा, औरौ ऐक प्रधान स्‍वर्गदूत ऊंची धाव शै बौलदा औरौ पौरमेशवर कै तुरही बौजांदा, तोबै सौबीदै आगै सै, जू मसीह पांदी बिशवाश कौरदै बैई मौरे गौवै, औगौड़ियौ जियुंदी हौंदै।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 14:13

तोबै मोऐं स्वर्ग शै कोसी कै बौलदै बैई शुणु, औरौ तैणै मुखै बौल़ौ: “इनु बातौ खै इथै लिख। ऐबै शै, सैजै लोग खुशनसीब औसौ जू पौरमेशवर पांदी भोरोशा कौरदै बैई मौरे गौवै।” तोबै पवित्र आत्मा इथैशा सहमत हौआ, तैणै बौल़ौ, “ऐजौ साचौ औसौ। सैजै खुशनसीब औसौ जिथुकै सै आपणै कड़ी मैहनत शै विशांव पांदै औरौ जू काम तिनुऐ कौरे राए तिथ कारिए तिनु इनाम दैय जांदा।”