1 कुरिन्थियों 15:15 - सिरमौरी नौवाँ नियम

¹⁵ जै मौरेयौंदे कै जियुंदी ना कौरौ, तौ आमुए ऐजौ बौलेयौ पौरमेशवर कै बारै मुंजी तुऔं कैंई झूठु बौल़ै राए कै तैणै मसीह खै जियुंदी कौरे राए थिया, जोबै कै सौथीखै तैणै ऐशै ना कौरी।

Sirmouri

¹⁵ परह् आँमें पंणमिश्वर के झुठे गुवाह्-शाज़्त बंणें; किन्देंखे के आँमें पंणमिश्वर के बारे दी ऐजी गुवाह्-शाज़्त दिती, के मसीया ऊबे जीयाल़े गुऐ, ना तअ जीयाल़ी ने थई, जे मरे अंदे ऊबे ही ने जीऊँदे।

1 कुरिन्थियों 15:15 ပူးပေါင်းရင်းမြစ်များ

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 2:32

ऐसी यीशु खै पौरमेशवरे जियुंदी कौरा, जैसकै आमु सौबै गवाह औसौ।

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

प्रेरितो कै काम 4:33

चोणेयौंदे चैलै बौड़ै अनौखी शौकतै लैई यीशु कै जियुंदी हौणौ कै औटेयौ गवाही दैंव थिए औरौ तिनु सौबी पांदी बौड़ा अनुग्रह थिया।

1 कुरिन्थियों 15:13

जोबै मौरेयौंदे का औटेयौ मौरेयौंदे मुंजीदा जियुंदी हौणा ही ना आथी, तोबै मसीह बै जियुंदी ना हौए रैई।

1 कुरिन्थियों 15:16

हांव औटेयौ बुलू, जै कुणिए बै मौरेयौंदे मुंजीदै जियुंदी ना हौंव, तौ औटेयौ मसीह खै बै जियुंदी ना कौरे रैई।

1 कुरिन्थियों 15:20

पौरौ सौचाई ऐजी औसौ कै पौरमेशवरे सौथीखै मसीह खै मौरेयौंदे मुंजीदा जियुंदी कौरा, इयौं आशा लैई सै तिनु लोगौ कै बै जियुंदी कौरदा जू मौरे गौवै।