1 कुरिन्थियों 15:10 - सिरमौरी नौवाँ नियम

¹⁰ इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

Sirmouri

¹⁰ परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 15:10 ပူးပေါင်းရင်းမြစ်များ

मत्ती 10:20

पौरौ बापू पौरमेशवर कै आत्मा तुऔं खै बौताए दैला कै तोंवारै का बौलणौ।

मत्ती 25:16

तोबै जैसीखै पाँच झोल़े दैय रौए थिए, तैणै शट जाऐबा तिनुलैई लैण-देण कौरा औरौ पाँच झोल़े हौजौ कमाए।

रोमियों 11:1

इथकारिए हांव पूछु, का पौरमेशवर आपणै लोगौ कै छोड़े दियै? ना! बिल्कुल नी! हांव बै तौ इस्राएली औसौ, अब्राहम कै वंश औरौ बिन्‍यामीन कै गोत्र पौरैशा औसौ।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

1 कुरिन्थियों 15:11

इथकारिए चाहै हांव होऊं, चाहै औकै चोणेयौंदे चैलै हौंव, आमै सौबीए मसीह कै बारै मुंजी ऐकैई सौंदेश का प्रचार कौरा, औरौ इथी पांदी तुऐं बिशवाश बै कौरा।

1 कुरिन्थियों 15:2

जै तुऐं तैसी सुसमाचार पांदी बिशवाश कौरणा जारी राखौ जिथका मोऐं तुऔं मुंजी प्रचार कौरा, तौ पौरमेशवर तुऔं बौचांदाए। नही तौ तोंवारा बिशवाश कौरणा बैकार हौंदा।

1 कुरिन्थियों 3:10

पौरमेशवरे जू वरदान मुखै दैय राए, तिथका इस्तैमाल कौरदै बैई मोऐं तिथु घौरौ कै नीयुं ऐकी बुध्दिमान राजमिस्तरी साए राखै। औरौ औकै लोगै तियौं नीयुं पांदी काम छैड़ राए, पौरौ सौबी लोगौ खै चौकश रौणौ चैंई कै तिथपांदी कैशै काम छैड़ राए।

1 कुरिन्थियों 3:6

तुऔं पौरमेशवर का सुसमाचार शुणाणौ वाल़ा हांव आगला आदमी थिया, इथकारिए हांव तैसी आदमी साए औसौ, जैसीए खेतौ दौ बिज़ छिड़कु। तिथकै बाद, अपुल्लोसे तुऔं तोंवारै बिशवाश दै मोजबूत हौणौ कै मौदद कौरे, ठीक तैशैखैई जैशै कुणिए ओका आदमी तिनु पौधे खै पाणी दैंव जू बौढ़दै लागै रौवै। पौरौ पौरमेशवरे तुऔं नौवाँ जीवन दैय राए औरौ तुऔं आत्मिक रुप शै बौढ़णौ खै मौदद कौरे लोए, जैशैखै पौरमेशवर पौधे खै बौढ़ाव।

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 3:5

आमु ऐजौ ना बुलू कै आमुकैंई आपी दी किछै बै कौरणौ कै ताकत औसौ। पौरौ पौरमेशवर आमु ऐजै ताकत दैंव। औरौ अमारै ताकत पौरमेशवर कै ढौबौशै औसौ।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

गलातियौं 2:8

जिथुखै पौरमेशवर, जैणै पतरस खै यहूदी लोगौ कै बीच मुंजी ऐक चोणेयौंदा चैला हौणौ कारिए चोणे राए, तैणै ही मुखै बै बैगानै यहूदी लोगौ कै बीच मुंजी चोणेयौंदा चैला हौणौ कारिए चोणे राए।

फिलिप्पियों 2:13

जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।

1 थिस्सलुनीकियों 5:12

ओए रै बिशवाशी भाईयों, आमु तुऔं कैईंदी बिन्ती कौरु, कै प्रभु दै जू तोंवारै अगुवे औसौ औरौ तुऔं कारिए कड़ी मैहनत कौरौ, औरौ तुऔं कै शिक्षा दैंव तिनकी मानौ।

1 तीमुथियुस 4:10

आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।