1 कुरिन्थियों 14:37 - सिरमौरी नौवाँ नियम

³⁷ जै कुणिए आदमी आपी खै पौरमेशवर कै बातौ बौताणौवाल़ा या ऐशणा आदमै सौमझौ जैसी पवित्र आत्माए वरदान दैय राए, तौ सै ऐजौ जाणै पाव कै मोऐं जू किछै तुऔं लैखै लौ, सैजी प्रभु की आज्ञाए औसौ।

Sirmouri

³⁷ जे कुँऐं आदमी आप्खे-आपु ऋषी के आत्त्मिक जंण सम्झों, तअ ऐजो जाँणी पाँव के जुण्जी बातो हाँव तुँओं खे लिखू, सेजी प्रभू की अज्ञाँ असो।

1 कुरिन्थियों 14:37 ပူးပေါင်းရင်းမြစ်များ

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

1 कुरिन्थियों 14:29

पौरमेशवर कै बातौ बौताणौवाल़ै मुंजीदै दो या तीन बौल़ौ, औरौ ओकी कै जांच कौरणौ दैव कै का बौल़ै राए ऐजौ दैखणौ कारिए कै, ऐजौ पवित्र शास्त्र कै हिसाब शै औसौए कै ना आथी।

1 कुरिन्थियों 14:36

ऐशै किथु औसौ कै तुऔं कुरिन्थुस कलीसिया कै लोगौ मुंजीदै किछै लोग आगलै बौतायौंदे इनु कानूनो का पालन ना कौरणा चांव? तोंवारै का जाणियौ कै तुऐं पोयलै आदमी औसौ जू पौरमेशवर कै वचन खै बांटणौ या दैणौवाल़ै औसौ? या ऐजौ सिरफ तुऔं कै ही दैय राए थियु? बिल्कुल नी।

1 कुरिन्थियों 14:38

पौरौ जै सै मैरै शब्दो पांदी बिशवाश ना कौरौ, तौ तिनु पांदी बिशवाश नी कौरेया।

1 कुरिन्थियों 2:15

सैजै लोग जिनुवै पवित्र आत्मा पाए राए सैजै तिनु चीज़ौ खै सौमझै सौकौ जू पवित्र आत्मा शिखांव। पौरौ जिनु लोगौ कैंई पवित्र आत्मा ना आथी सैजै तिनु लोगौ कै विचारो खै ना सौमझै सौकौ जिनु कैई पवित्र आत्मा औसौ।

1 कुरिन्थियों 3:1

ओए रै बिशवाशी भाईयों, जोबै हांव तोंवारै साथै थिया तोबै हांव तुऔं आरी तैशैखैई बात ना कौरे सौकु थिया जैशैखै हांव आत्मिक लोगौ शै कौरु, मुखै इयौं बातौ लैई तुऔं पौछेयाण कौराणै थै कै तुऐं इयौं दुनिया शै औसौ ‍‍‍औरौ तुऐं मसीह जीवन दै नानड़िया औसौ।

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

1 कुरिन्थियों 7:40

पौरौ जै सै औटेयौ बैयाव ना कौरौ तौ मैरै विचार दै सै हौजौ बै धन्‍य औसौ, औरौ मैरी सौमझ दो, मैरै जाणियौए कै जोबै हांव तुऔं ऐजौ बुलू तौ हांव पौरमेशवर कै आत्मा कै दवारा तुऔं सलाह दियु।

1 कुरिन्थियों 8:2

जै कुणिए सौमझौए कै सै किछै जाणौए, तौ सै इबी तौड़ी ऐजौ ना जाणौ कै कैशैखै जाणणौ चैंई।

2 कुरिन्थियों 10:12

जिथुकै आमुखै ऐजी हिम्मत ना आथी कै आमै आपी खै तिनकै साथै गिणु, या तिनुमुंजी आपी खै मिलोऊं, जू आपणी तारीफ कौरौ, औरौ आपी खै आपस मुंजी नाप तौलैयौ ऐकी दुजैआरी तुलना कौरेयौ मूर्ख ठौहरौ।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

2 कुरिन्थियों 11:4

जै कुणिए तोंवारै धोरे आऐबा ओकी यीशु कै बारै दौ बौतांव तौ तुऐं तैसी नौवें आदमी कै अपनाणौ कारिए बैजाए बैताब रौंव सै तौ सैजा यीशु ना आथी जैसकै बारै दौ आमुए बौतौऊ थियु। जोबै तुऔं कै ऐशणा आत्मा औरौ सौंदेश भैटौ जू तैसी आत्मा औरौ सौंदेश साए ना हौं जू आमुए बौताए राय थिया। तौ तुऐं तिनु शिक्षा कै मानणौ दै गौलत औसौ।

गलातियौं 6:8

जिथुकै जू आदमी सैजौ कौरौए जू तैसका पापी स्‍वभाव चांव, सै दैखदा कै ऐजौ तैसी कारिए मौत लोयो आन्दौ। पौरौ जू आदमी पौरमेशवर कै आत्मा कै इछा खै पूरी कौरौ सै दैखदा कै आत्मा तैसी सौदा कै जिन्दगी दैंदा।

2 पतरस 3:2

मोऐं ऐशै इथकारिए कौरे लौ जिथुकै हांव चोऊं कै तुऐं तिनु वचनो खै याद राखौ, जू पौरमेशवर कै बातौ बौताणौवाल़ै बैजाए औगौड़ियौ दी बौल़ै राए थिए औरौ अमारै मोक्ति दैणौवाल़ै, प्रभु यीशु मसीह की शिक्षाओं खै याद राखौ जू तुऔं तिनु चोणेयौंदे चैलै शिखाए राए थी जू तोंवारै धोरे आए रौवै थिए।

1 यूहन्ना 4:6

आमु पौरमेशवर कै औसौ। जू पौरमेशवर खै जाणौए, सै अमारी शुणौए, जू पौरमेशवर कै ना जाणौ सै अमारै ना शुणौ, ऐशैखैई आमै सौचाई कै आत्मा औरौ झूठ कै आत्मा खै पौछेयाणै पांव।

यहूदा 1:17

पौरौ ओए रै मैरै साथी बिशवाशी, तुऐं तिनु बातौ खै याद राखौ; जू अमारै प्रभु यीशु मसीह खै चोणेयौंदे चैलै बैजाए औगौड़ियौ बौताए रैई जू बाद मै हौंदी।