1 कुरिन्थियों 14:3 - सिरमौरी नौवाँ नियम

³ पौरौ जू हौणौवाल़ी बातौ कौरौ, सै बिशवाशियौं खै बिशवाश दै मोजबूत कौरणौ, हौंसला बौढ़ाणौ औरौ तसल्ली दैणौ दै मौदद कौरौ।

Sirmouri

³ परह् जुण्जा कुँऐ बरंम्बाणीं करह्, से आदमी की बड़ोत्री, अरह् होंस्ला, अरह् शाँण्त्ति, की बातो बुलो।

1 कुरिन्थियों 14:3 ပူးပေါင်းရင်းမြစ်များ

लूका 3:18

औरौ सै बौरिशी शिक्षा देएबा लोगौ कै सुसमाचार शुणादा रौआ।

प्रेरितो कै काम 13:15

मूसा कै कानून औरौ पौरमेशवर कै बातौ बौताणौवाल़ै कै किताबो शै पोढ़णो कै बाद यहूदी सभा-घोरो कै ठोगड़े तिनकै धोरे ब्यौरा भैजा, “ओए रै भाईयों, जै लोगौ कै उपदैश कारिए तोंवारै मनो दै कुणजै बात औसौ तौ बौल़ौ।”

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

प्रेरितो कै काम 15:32

औरौ यहूदा औरौ सीलासे जू आपी बै पौरमेशवर कै बातौ बौताणौवाल़ै थिए, बौहिती बातौ शै बिशवाशी भाईयों खै उपदैश दैयौ मोजबूत कौरे।

प्रेरितो कै काम 4:36

यूसुफ नांव का ऐक आदमी थिया। जू लेवी गोत्र का थिया औरौ तैसका जन्म साइप्रस टापू दा हौए रौआ थिया। जैसकौ नांव चोणेयौंदे चैलै बरनबास यानी शान्तै का बैटा राखै राए थियु।

प्रेरितो कै काम 9:31

ऐशैकैई सारै यहूदिया प्रदेश औरौ गलील जिले औरौ सामरिया प्रदेश दा कलीसिया कै लोगौ कै चैन भैटा औरौ तिनकी बोढ़ोतरी हौंदै लागै; औरौ सै प्रभु कै डौर औरौ पवित्र आत्मा कै मौदद लैई बौहितै लोगै प्रभु यीशु पांदी बिशवाश कौरा।

रोमियों 12:8

जैसीखै खुशी कौरणौ का वरदान औसौ, तौ सै लोगौ कै खुशी कौरदा रौंव; जै दान दैणौवाल़ा हौंव तौ दिल खोले कै दान दैंव; जै इनु अगुवाई कौरणौ का वरदान औसौ तौ ऐजौ लगन कै साथै कौरौ, जू दया कौरौ, सै खुशी शै कौरौ।

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 15:2

आमु मुंजीदै हरेक आपणै साथी बिशवाशी कै साथै ऐशै कौरणौ चैंई जू तैसकै मनो कै खुशी कौरौ तैसकै बिशवाश कै मोजबूत कौरणौ दै मौदद कौरौ।

1 कुरिन्थियों 10:23

बैशक, आमु किछै बै कौरणौ कै आज़ादी औसौ। पौरौ आमु कारिए सौबै ठुँ आछौ ना आथी, पौरौ सौबै ठुँ कौरणौ कै ऐजी आज़ादी पौरमेशवर दै अमारै बिशवाश खै मोजबूत ना कौरौ।

1 कुरिन्थियों 14:12

इथकारिए जिथुकै ऐजै तोंवारै इछा औसौ, कै तुऔं कै पवित्र आत्मा दवारा दैय जाणौवाल़ै काबलियत कै दैय जांव, इथकारिए जू तुऐं मांगोए ऐजौ ऐशै हौणौ चैंई जिथलैई तुऐं सौबी बिशवाशी कै बिशवाश खै मोजबूत कौरे सौकौ। वरदानो कै धुन दै रौव, औरौ ऐशणै कौचिश कौरौ कै तोंवारै वरदानो कै बोढ़ोतरी शै कलीसिया कै बोढ़ोतरी बै हौं।

1 कुरिन्थियों 14:17

पौरमेशवर कै खातिर तोंवारा धन्यवाद अनौखा या बैजाए बढ़िया हौए सौकौ पौरौ इथलैई ओकी खै आपणै बिशवाश दै मोजबूती ना भैटदी।

1 कुरिन्थियों 14:26

इथकारिए ओए रै बिशवाशी भाईयों, शुणौ कै कामौ खै कैशै कौरणै चैंई? जोबै तुऐं आराधना कौरणौ कारिए कौठै हौंव तौ तुऔं मुंजीदै कुणिए तौ गीत गाओ, कुणिए उपदैश दौ, कुणिए प्रभु कै दवारा दैययौंदे वचन कै प्रकट कौरौ, कुणिए जौई-जौई भाषा दी बातौ कौरेयौ तिथका मतलब सोमझाव। तुऐं जू किछै कौरौ सैजौ कलीसिया कै तरककी कारिए हौंव।

1 कुरिन्थियों 14:31

तुऐं सौब हौणौवाल़ी बातौ कौरे सौकौ, पौरौ ऐक कै बाद ऐक, ताकि सौब शिखौ औरौ हौंसला बौढ़ौ।

1 कुरिन्थियों 8:1

ऐबै मूर्ति कै सामणै बल़ि कौरेयौंदी चीज़ौ कै बारै मुंजी आमु जाणुए, कै आमु सौबी खै ज्ञान औसौ: ज्ञान घमण्‍ड पौयदा कौरौ, पौरौ प्यार लैई बौढ़ौतरी हौंव।

2 कुरिन्थियों 1:4

जोबै बै पौरैशानी आमु पांदी आंव, सै हर बार आमु तसल्ली दैंव, इथकै अलावा आमु ओकी कै तैशैखैई तसल्ली दैणै चैंई जैशणै पौरमेशवर आमु तसल्ली दैंव।

2 कुरिन्थियों 2:7

इथकारिए इदु ऐजौ आछौ औसौ कै तैसका अपराध माफ कौरौ औरौ हौंसला दैंव, ऐशै ना हौंव कै ऐशणा आदमी आपणै बिशवाश कै पूरी तरह शै छोड़े दैंव।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 6:22

तैसी मोऐं तोंवारै धोरे इथकारिए भैजै राए, कै तुऐं अमारी दशा जाणौ, औरौ सै तोंवारै मनो का हौंसला बोड़ाव।

कुलुस्सियों 4:8

तैसी मोऐं इथकारिए तोंवारै धोरे छाड़ै राए कै तुऔं पौता चालै जांव कै अमारै साथै का हौंदौ लागै रौ, औरौ सै तुऔं बिशवाश दै मजबूत कौरौ।

1 थिस्सलुनीकियों 2:11

जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

1 थिस्सलुनीकियों 2:3

जिथुकै आमुए तुऔं झूठा सौंदेश ना शुणैई औरौ ना ही सै गौलत इरादै शै, औरौ ना छल कै साथै थिया।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

1 थिस्सलुनीकियों 4:18

इथकारिए इनु बातौ शै ऐकी दूजै खै तसल्ली दैया कौरौ।

2 थिस्सलुनीकियों 3:12

ऐशणै कै आमै तैसी औधिकार शै जू प्रभु यीशु मसीहे आमु दैय राए आज्ञा दियु औरौ सौमझौऊवे, कै आपणै कामौ पांदी ध्यान दैया कौरौ औरौ आपणै रोजी कारिए पौयसै कमाया कौरेया।

1 तीमुथियुस 4:13

मैरै तिथै पोऊंचणौ तौड़ी, बिशवाशियौं कारिए पवित्र शास्त्र कै जोर शै पोढ़णो, हौंसला बौढ़ाणौ औरौ शिखाणौ औरौ मतलब सौमझाणौ कारिए सौमय निकाल़ौ।

1 तीमुथियुस 6:2

औरौ जिनकै मालिक बिशवाशी औसौ, सैजै गुलाम आपणै मालिको का आदर कौरौ, इनु सै मसीह दै भाई सौमझौ, पौरौ हौजौ आछै तरीकै शै तिनकै सेवा कौरणै चैंई, जिथुकै तिनकै काम का फायदा उठाणौ वाल़ै बिशवाशी औसौ जिनु सै मसीह दै भाई जैशणै प्यार कौरौ तू इनु बातौ कै शिक्षा औरौ उपदैश दैया कौर।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 1:9

तैसी यीशु मसीह कै बारै मुंजी साची सौंदेश पांदी पाका बिशवाश हौणा चैंई जू सौंदेश आमुए तैसी शिखाए राए थिया ताकि सै ओकी लोगौ कै सोही शिक्षा मानणौ कारिए हौंसला दैय सौकौ औरौ साथ कै साथ लोगौ कै सामणै विरोधियों कै पौल खोले सौकौ।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

तीतुस 2:6

ऐशैखैई जवान मर्द खै बै सोमझाव कै सै आपी पांदी काबू राखणौवाल़ै हौंव औरौ बिन्ती कौरेयौ सै बुध्‍दिमानी शै काम कौरौ।

तीतुस 2:9

गुलामो कै शिखा की सै सौदा आपणै मालिको की आज्ञा कै मानौ, तिनु तैशैखैई कौरणौ कारिए बौल जू तिनकै मालिको कै खुश कौरौ, औरौ सै मालिको कै पाछु जोवाब ना दैंव;

इब्रानियों 10:25

आव आमै पौरमेशवर कै आराधना कौरणौ कारिए कौठा हौणा बंद ना कौरौ जैशै किछै लोगै कौरे लो। जैशैकै कैतरै कै भोवार औसौ, पौरौ आमु ऐकी दूजै खै हिम्मत औरौ चैतावणी दैणी चैंई, खास कौरेयौ ऐबै कै जोबै कै प्रभु कै औटेयौ पाछु आणौ कौ दूस नेड़िक आन्दौ लागै रौ।

इब्रानियों 13:22

ओए रै बिशवाशी भाईयों, हांव तुऔं कैईंदै बिन्ती कौरु, कै ऐसी सौंदेश कै धीरज शै शुणौ जू मोऐं तुऔं हौंसला दैणौ कारिए लैख राए। जिथुकै मोऐं तुऔं बैजाए विस्तार शै लैख राए।

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।

यहूदा 1:20

पौरौ ओए रै मैरै साथी बिशवाशियौं तुऔं ऐकी-दूजै कै मौदद कौरणै औरौ पवित्र शिक्षाओं पांदी मोजबूती शै भोरोशा राखणा चैंई, जिथपांदी तुऐं बिशवाश कौरौ औरौ पवित्र आत्मा कै मौदद लैई प्रार्थना कौरणै चैंई।