1 कुरिन्थियों 14:26 - सिरमौरी नौवाँ नियम

²⁶ इथकारिए ओए रै बिशवाशी भाईयों, शुणौ कै कामौ खै कैशै कौरणै चैंई? जोबै तुऐं आराधना कौरणौ कारिए कौठै हौंव तौ तुऔं मुंजीदै कुणिए तौ गीत गाओ, कुणिए उपदैश दौ, कुणिए प्रभु कै दवारा दैययौंदे वचन कै प्रकट कौरौ, कुणिए जौई-जौई भाषा दी बातौ कौरेयौ तिथका मतलब सोमझाव। तुऐं जू किछै कौरौ सैजौ कलीसिया कै तरककी कारिए हौंव।

Sirmouri

²⁶ ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

1 कुरिन्थियों 14:26 ပူးပေါင်းရင်းမြစ်များ

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 12:7

जै ओकी कै सेवा कौरणौ का वरदान भैटी रौआ, तौ सेवा दै लागैयौंदा रौंव, जै कुणिए शिखाणौ वाल़ा हौंव, तौ शिखणौ दा लागैयौंदा रौंव;

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 15:2

आमु मुंजीदै हरेक आपणै साथी बिशवाशी कै साथै ऐशै कौरणौ चैंई जू तैसकै मनो कै खुशी कौरौ तैसकै बिशवाश कै मोजबूत कौरणौ दै मौदद कौरौ।

1 कुरिन्थियों 14:15

इयौं बौजैह शै, हांव पवित्र आत्मा लैई प्रार्थना कौरणा चोऊं, पौरौ हांव ऐजौ बै चोऊं कै औकै लोग ऐजौ सौमझौ कै मोऐं का कौरे लो। औरौ जोबै हांव गौऊं, तौ हांव चोऊं कै मैरौ गाणौ पवित्र आत्मा कै ढौबौशौ हौंव, पौरौ ऐजौ बै जौरुरी औसौ कै मोऐं जू गाए लो सै ओकी कै बै सौमझ मै आंव।

1 कुरिन्थियों 14:2

जिथुकै सैजा जू ओकी भाषा दै विचार प्रकट कौरौ, आदमी शै नी, पौरौ पौरमेशवर आरी बातौ कौरौ, सौचाई तौ ऐजै औसौ कै कुणिए बै शुणणौ वाल़ा तैसकै भाषा ना सौमझौ जिथुकै सै पवित्र आत्मा कै शौकतै कै दवारा छिपैयौंदी बातौ खै बौल़ौ।

1 कुरिन्थियों 14:27

जिथै तौड़ी जौई-जौई भाषा दी बातौ कौरणौ का सवाल औसौ, जादा शै जादा दो या तीन आदमी ही ऐक-ऐक कौरेयौ बौल़ौ, औरौ जौरुर कुणिए तिनु भाषाओं का मतलब बौताणौ वाल़ा हौणा चैंई।

1 कुरिन्थियों 14:40

जू किछै बै तुऐं कलीसिया दौ कौरौ, सै प्यार शै औरौ बारी-बारी शै कौरेया।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

2 कुरिन्थियों 13:10

इयौं बौजैह शै मोऐं तुऔं ऐजी बातौ लैख लोई, इदा आगै कै हांव तोंवारै धोरे ओऊं ताकि तुऔं सौजा दैयौ मुखै आपणै औधिकार खै दिखाणौ कै जौरुरत ना पौड़ौ जू प्रभुए मुखै दैय राए। जिथुकै हांव तोंवारै औधिकार का इस्तैमाल तोंवारै बिशवाश खै मोजबूत कौरणौ कारिए कौरणा चोऊं ना कै नाश कौरणौ कारिए।

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

इफिसियों 4:16

जैशैखै ऐकी आदमी का शोरीर तैसकै जोड़ो कै दवारा ऐक साथी जोड़ेयौंदा रौंव, तैशैखैई मसीह आमु सौबी कै जू तैसी पांदी बिशवाश कौरो, आपणै शोरीर कै अंगो कै जैशणै जोड़ो। औरौ जोबै शोरीर कै सौबै अंग ठीक तरह शै काम कौरौ तौ शोरीर बौढ़ौ औरौ मोजबूत हौंव; तैशैखैई, जोबै आमु मुंजीदै सौबै तैसी काम कै कौरो जू मसीहे आमु दैय राए तौ आमै मोजबूत बोणदै औरौ पाकै हौंदै औरौ ऐकी दूजै शै हौजौ जादा प्यार कौरदै।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 5:19

जै तुऐं पवित्र आत्मा कै काबू दै हौंव, तौ तुऐं ऐशै कौरदै: जोबै तुऐं कौठै हौलै, तौ तुऐं स्तुति औरौ भजन कौरलै, औरौ औकै गीत जू पवित्र आत्मा आमु दैंव, औरौ आपणै-आपणै मन दै प्रभु कै सामणै गांदे औरौ स्तुति कौरदै।

1 थिस्सलुनीकियों 5:11

इयौं बौजैह शै ऐकी दूजै खै हिम्मत दैव, औरौ पौरमेशवर पांदी हौजौ मोजबूती शै बिशवाश कौरणौ कारिए ऐकी दूजै कै मौदद कौरौ जैशैखै तुऐं कौरौ बै औसौए।