1 कुरिन्थियों 14:15 - सिरमौरी नौवाँ नियम

¹⁵ इयौं बौजैह शै, हांव पवित्र आत्मा लैई प्रार्थना कौरणा चोऊं, पौरौ हांव ऐजौ बै चोऊं कै औकै लोग ऐजौ सौमझौ कै मोऐं का कौरे लो। औरौ जोबै हांव गौऊं, तौ हांव चोऊं कै मैरौ गाणौ पवित्र आत्मा कै ढौबौशौ हौंव, पौरौ ऐजौ बै जौरुरी औसौ कै मोऐं जू गाए लो सै ओकी कै बै सौमझ मै आंव।

Sirmouri

¹⁵ तबे: का कर्णो पड़ो? हाँव आत्त्मा शी भे प्रार्थना करूबा, अरह् आप्णी बुद्धी-सम्झ शी भे प्रार्थना करूबा; अरह् हाँव आत्त्मा शो गाऊँबा, अरह् आप्णी बुद्धी-सम्झ शो भे गाऊँबा।

1 कुरिन्थियों 14:15 ပူးပေါင်းရင်းမြစ်များ

प्रेरितो कै काम 21:22

तौ हौजौ का कौरणौ चैंई? लोग जौरुर शुणदै कै तू इथै आए रौआ।

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 3:5

पौरौ जै अमारै दुष्ट काम पौरमेशवर कै र्धामिकता ठौहरौ, तौ आमै का बुलू? का ऐजौ कै पौरमेशवर का गुस्सा हौणा औरौ आमु सौजा दैणा गौलत औसौ? (ऐजौ तौ हांव आदमी कै तौर पांदी बुलू)

रोमियों 8:31

तौ आमै इनु बातौ कै बारै मुंजी का बुलू? जै पौरमेशवर अमारै ढौबौ औसौ, तौ कुणिए बै आमु हराए ना सौकौ।

1 कुरिन्थियों 10:19

मोऐं ऐजौ बौल़ै लौ कै मूर्ति सौथीखै देवता ना आथी, औरौ तिनुखै चौढ़ाएयौंदो बलिदान किछै मतलब ना राखौ।

1 कुरिन्थियों 14:14

इथकारिए जोबै हांव जौई-जौई भाषा दै प्रार्थना कौरु तौ मैरै अन्तरआत्मा प्रार्थना कौरौ, पौरौ मैरी बुध्दि काम कौरणा बंद कौरे दैंव,

1 कुरिन्थियों 14:19

कलीसिया दो मुं कारिए आछौ औसौ कै तिथै पाँच शब्द ही बुलू जू सौमझै जाए सौकौ औरौ शिखाणौ या ओकी खै सलाह दियु, बजाय मैरै शब्दो कै बौल हज़ारो हौंव पौरौ सौमझै ना जाए सौकौ।

1 कुरिन्थियों 14:26

इथकारिए ओए रै बिशवाशी भाईयों, शुणौ कै कामौ खै कैशै कौरणै चैंई? जोबै तुऐं आराधना कौरणौ कारिए कौठै हौंव तौ तुऔं मुंजीदै कुणिए तौ गीत गाओ, कुणिए उपदैश दौ, कुणिए प्रभु कै दवारा दैययौंदे वचन कै प्रकट कौरौ, कुणिए जौई-जौई भाषा दी बातौ कौरेयौ तिथका मतलब सोमझाव। तुऐं जू किछै कौरौ सैजौ कलीसिया कै तरककी कारिए हौंव।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

फिलिप्पियों 1:18

तौ का हौव? सिरफ ऐजौ, कै हर तरीकै शै चाहै दिखावे शै, चाहै सोच्‍चाई शै, मसीह कै बारै मुंजी सुसमाचार का प्रचार हौए रौआ, औरौ हांव इथलैई खुश औसौ, औरौ इथलैई खुश हौंदा रौन्‍दा।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

याकूब 5:13

जै तुऔं मुंजी कुणिए दुखी हौंव तौ सै प्रार्थना कौरौ; जै खुशी औसौ, तौ सै स्तुति खै भजन गांव।

यहूदा 1:20

पौरौ ओए रै मैरै साथी बिशवाशियौं तुऔं ऐकी-दूजै कै मौदद कौरणै औरौ पवित्र शिक्षाओं पांदी मोजबूती शै भोरोशा राखणा चैंई, जिथपांदी तुऐं बिशवाश कौरौ औरौ पवित्र आत्मा कै मौदद लैई प्रार्थना कौरणै चैंई।