1 कुरिन्थियों 14:1 - सिरमौरी नौवाँ नियम

¹ इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

Sirmouri

¹ पियार कर्णो की कोशिष करह्, अरह् आत्त्मिक बर्दांनों की लगंन दे रंह्, खास करियों ऐजो के बरंम्बाणीं करह्।

1 कुरिन्थियों 14:1 ပူးပေါင်းရင်းမြစ်များ

रोमियों 12:6

जोबै कै तैसी अनुग्रह कै हिसाब शै जू पौरमेशवरे आमु दैय राए, आमुखै भान्त‌‌‌-भान्त कै वरदान भैटी रौवै। तौ जैसीखै पौरमेशवर कै बातौ बौताणौवाल़ै कै वरदान भैटी रौवै, तैसी तिनु बातौ कै बौल़णी चैंई जैसी पांदी सै बिशवाश कौरौ कै पौरमेशवरे तैसी बौताए राए।

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 9:30

तौ आमै इनु बातौ कै बारै मुंजी का बुलू? बैगानै यहूदी लोग आपी खै पौरमेशवर कै साथै सोही राखणौ कै कौचिश ना कौरौ थिए, पौरौ पौरमेशवरे तिनु खुद कै साथै सोही राखै जिथुकै तिनुऐ तैसी पांदी भोरोशा कौरे राए थिया। पौरमेशवरे तिनु बिशवाश कै दवारा धरमी साबित कौरे;

1 कुरिन्थियों 12:1

ओए रै बिशवाशी भाईयों, तैसी सवाल कै बारै मुंजी जू तुऐं वरदानो कै बारै मुंजी पूछै राए जू पवित्र आत्मा आमुखै दैंव, हांव चोऊं कै तुऐं तिथकै बारै मुंजी आछै तरीकै शै सौमझौ।

1 कुरिन्थियों 12:31

सौबवे भाषा का मतलब बौताणौ वाल़ै ना आथी, इथकारिए तुऔं ईमानदारी शै सौबीआरी इस्तैमाल हौणौवाल़ै वरदानो कै इछा कौरणै चैंई। पौरौ ऐबै आंव तुऔं सौबी दी आछै बाट दिखोऊ।

1 कुरिन्थियों 13:13

इथकारिए, ऐबै, इनु ती भान्त कै कामौ खै आमु कौरणा चैंई: पौरमेशवर पांदी बिशवाश कौरौ, पौरमेशवर कै वादै पांदी आशा राखौ, औरौ ओकीआरी प्यार कौरौ। पौरौ इनु ती बातो मुंजी दी, ओकीआरी प्यार कौरणा ही सौबिदी बौड़ी बात औसौ।

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 14:22

इथकारिए जौई-जौई भाषाओं दी बातौ कौरणी बिशवाशियौं कारिए ना आथी, पौरौ अबिशवाशियौं कै खातिर निशान का रुप औसौ, पौरौ पौरमेशवर कै हौणौवाल़ी बातौ कौरणा अबिशवाशियौं कारिए नी पौरौ मसीह कै बिशवाशियौं कै खातिर ऐक निशानी औसौ।

1 कुरिन्थियों 14:37

जै कुणिए आदमी आपी खै पौरमेशवर कै बातौ बौताणौवाल़ा या ऐशणा आदमै सौमझौ जैसी पवित्र आत्माए वरदान दैय राए, तौ सै ऐजौ जाणै पाव कै मोऐं जू किछै तुऔं लैखै लौ, सैजी प्रभु की आज्ञाए औसौ।

1 कुरिन्थियों 14:39

इथकारिए ओए रै बिशवाशी भाईयों, पौरमेशवर कै हौणौवाल़ी बातौ कै वरदान कै इछा कौरदै रौंव, जौई-जौई भाषा बौलणौ शै मना ना कौरौ।

1 कुरिन्थियों 16:14

सौबै ठुँ प्यार शै कौरेया।

इफिसियों 1:3

अमारै पौरमेशवर औरौ प्रभु यीशु मसीह कै पिता कै बौड़ाए हौंव। तैणै आमु स्वर्ग शै हर भान्त कै आत्मिक आशीष दैय राए जिथुकै आमै मसीह कै साथै ऐक हौए गौवै।

1 थिस्सलुनीकियों 5:20

ऐजौ ना सुंचौ कै पौरमेशवरे आपणै लोगौ खै जू हौणौवाल़ी बातौ प्रकट कौरे रैई सैजी बैकार औसौ।

1 तीमुथियुस 4:14

तैसी वरदान शै जू हौणौवाल़ी बातौ कै दवारा तांव पांदी कलीसिया कै अगुवे कै हाथ राखदै सौमय ताखै भैटी रौआ थिया, तैसी लगातार ताखै इस्तैमाल कौरणा चैंई।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

2 तीमुथियुस 2:22

इथकारिए, तिनु पापी लालसाओं शै बौचेयौंदे रौया जू जवान लोगौ कै आकर्षित कौरौ। औरौ जू शुध्द मन शै प्रभु का नांव ध्यान कौरौ, तिनकै साथै धार्मिकता, औरौ बिशवाश औरौ मैल मिलाप राखणौ कै कौचिश कौर।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।