1 कुरिन्थियों 13:7 - सिरमौरी नौवाँ नियम

⁷ सै सौबै ठुँ सैय पांव, प्यार आमु हर हालत दै बिशवाश राखणौ कारिए काबिल बाणौ, प्यार आमु पौरमेशवर दै आपणै आशा बाणैयौंदे राखणौ दै मौदद कौरौ, ऐजौ पौरैशानी औरौ पीड़ो कै सौमय सब्र राखणा शिखांव।

Sirmouri

⁷ से बाद्दी बातो सऐन करह्, सोभी बातो का बिश्वाष अरह् सोभी वातो का भोर्षा करह्, अरह् सोभी बातो दा सबैर मारो।

1 कुरिन्थियों 13:7 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मरकुस 9:23

यीशुए तैसीखै बौल़ौ, “तुऔं कै शक नी हौणा चैंई कै हांव ऐजौ कौरे सौकु! जै कुणिए आदमी मुं पांदी बिशवाश कौरौ तौ तैसी कारिए सौब ठुँ हौए सौकौ।”

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

रोमियों 8:24

ऐबै जोबै पौरमेशवरे आमु बौचाए राए, तौ आमुकैंई ऐजी आशा औसौ। पौरौ जोबै तुऐं किछै पाणौ कै इछा कौरे लोए तौ जू तुऔं कैंई आगै दो औसौ, सैजी आशा ना आथी। कुणिए बै तियौं चीज़ौ खै पाणौ कै इछा ना कौरौ जू तैसीकैईं आगै दी औसौ।

1 कुरिन्थियों 13:4

जू लोग ओकीआरी प्यार कौरौ, सैजै सब्र औरौ दया कै साथै काम कौरौ, तिनु ज़लन ना हौंव, सैजै आपणै बारै मुंजी घमण्‍ड ना कौरौ औरौ ना तिनु गर्व हौंव।

1 कुरिन्थियों 9:12

जिथुकै तुऐं ओकी लोगौ खै पौयसै कि मौदद दैय राए, जिनुवै तुऔं मुंजी प्रचार कौरे राए, निशोंक हौयौ खै बरनबास औरौ हांव इथकै लायक हौजौ बै जादा औसौ। भलैई, आमु मुंजीदै कोसीए बै इयौं बातौ पांदी जोर ना दी कै तुऐं आमु तिनु चीज़ौ कै दौ जू अमारै तुऔं कैईंदी चैंई थी। इथकै बजाय, आमु किछै बै सैहणौ खै तैयार थिए, ताकि आमु मसीह कै बारै मुंजी सुसमाचार पांदी बिशवाश कौरणौ शै कोसी खै बै मुशकिल दै नी पांव।

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

2 थिस्सलुनीकियों 1:4

इथकारिए आमै पौरमेशवर कै कलीसिया दै तोंवारै बारै मुंजी घमण्‍ड कौरु, भलैई, तुऐं परीक्षाओं शै हौयौ जांव, तोबै बै धीरज कै साथै सैहन कौरौ औरौ तुऐं ऐबै बै यीशु मसीह पांदी बिशवाश कौरौ।

2 तीमुथियुस 2:24

औरौ प्रभु कै सेवक कै झोगड़ालु नी हौणौ चैंई, पौरौ तैसी सौबी कै साथै दयालु हौणौ चैंई, पौरमेशवर कै वचन कै साफ तरीकै शै शिखाणै दा काबिल हौणौ चैंई औरौ लोगौ कै साथै धीरज राखणा चैंई।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

इब्रानियों 13:13

इथकारिए आव आमै बलिदान कै नियम कै छोड़ेयौ यीशु पांदी बिशवाश कौरु औरौ डैरै कै बायरै जोऊं, जिथै लोग ना रौंव जैशै तैणै नेंदैया सैहन कौरे, तैशै ही आमु बै नेंदैया सैहन कौरु।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।