1 कुरिन्थियों 13:5 - सिरमौरी नौवाँ नियम

⁵ सै ओकी कै साथै गौलत बर्ताव औरौ अनादर ना दिखांव, सै सिरफ खुद कै खुश कौरणौ कै बारै मुंजी ना सुंचौ, सै तावल़ै गुस्से ना हौंव औरौ तिनु तिनकै खिलाफ कौरेयौंदी बुरी बातौ याद ना रौंव।

Sirmouri

⁵ से गलत चाल ने चाल्दा, से आप्णी भलाऐ ने चहाँदा, से घिप्दा-काँणिंदा ने, से बुरो ने माँन्दा।

1 कुरिन्थियों 13:5 ပူးပေါင်းရင်းမြစ်များ

मत्ती 5:22

पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

मत्ती 9:4

यीशुए तिनकै मनो की बातौ जाणैयौ तिनु बौल़ौ, “तुऐं आपणै-आपणै मनो दै बुरै विचार किथुखै कौरे लौवै?

मरकुस 3:5

यीशु गुस्सा हौयौ चोऊ ढौबौ लोगौ कै दैखदा लागा, औरौ बौहिता उदास हौआ जिथुकै सै बौहितै जिद्दी थिए। औरौ तैसी आदमी खै बौल़ौ, “आपणा हाथ उंढा कौर।” तैणै आपणा हाथ आगु कौरा, औरौ तैसका हाथ ठीक हौए गौआ।

लूका 7:39

ऐजौ दैखैयो सैजा फरीसी जैणै तैसी बोइदै राए थिया, आपणै मनो दो सुंचदा लागा, “जै यीशु पौरमेशवर कै बातौ बौताणौवाल़ा हौंदा तौ जाणै पांदा कै ऐजै जियैं ऐसीखै छुए लौआ, सै कुण औसौ, औरौ ऐजै कैशणी बैटमाणिश औसौ, जिथुकै ऐजै तौ वेश्या बैटमाणिश औसौ।”

1 कुरिन्थियों 10:24

कुणिए आपणै ही भोलाए खै ना सुंचौ पौरौ ओकी कै भोलाए कै बारै मुंजी बै ध्यान दैया।

1 कुरिन्थियों 11:18

जिथुकै सौबी दै आगलै बात ऐजै औसौ, कै मोऐं ऐजौ शौणै राव, कै जोबै तुऐं कलीसिया दै आराधना कौरणौ कारिए कौठै हौंव, तौ तोंवारै आपी मुंजी ना बौणौ, औरौ मुखै बिशवाश औसौ कै तिनकी बातौ दै किछै तौ सौचाई औसौ।

1 कुरिन्थियों 12:25

पौरमेशवरे ऐशै इथकारिए कियु ताकि शोरीरो कै किछै अंग दै ऐकी दूजै कै साथै झोगड़ा नै हौंव, पौरौ तिनु ऐकी दूजै कारिए ऐक जैशणै दैखभाल हौणै चैंई।

1 कुरिन्थियों 7:36

औरौ जै कुणिए ऐजौ सौमझौ, कै मोऐं आपणी तियौं कुंवारी बाईटी का हक मारै लौआ, जियौं कै उमर ढ़ौलदै लागै रौए, औरौ जौरुरत बै औसौए, तौ जैशै चांव तैशैखै कौरेया, इदा पाप ना आथी, सै तियौं का बैयाव हौणौ दैंव।

2 कुरिन्थियों 5:19

यानी पौरमेशवरे सौबी लोगौ कै खातिर बाट बाणै लौए थै कै जू किछै मसीहे कौरे राए तैसकै दवारा शान्तै कायम कौरे सौकौ, औरौ लोगौ कै पापौ कै दोष तिनु पांदी ना लैई, औरौ पौरमेशवरे शान्तै कै बारै मुंजी तैसकै सौंदेश खै बांटणौ का काम आमु दैय राए।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

फिलिप्पियों 2:21

सौबै आपणै ही मतलब खै खोज़ दै रौंव, सै यीशु मसीह शै जोड़ेयौंदे बातौ कै बारै मुंजी फिकर ना कौरौ।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

2 थिस्सलुनीकियों 3:7

जिथुकै तुऐं आपी बै आछै शै जाणौए कै तुऔं तैशैखैई जीणु चैंई जैशै आमु जियुं थिए। जौल़ौ आमै तोंवारै बीच रोऊं थिए, तौ आमै आलसी नी थी, पौरौ काम कौरु थिए।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

2 तीमुथियुस 4:16

आगली बैई जोबै हांव रोम शहर कै अदालत दा आपणी बेगुनाई साबित कौरणौ कै हौटा, तोबै मैरै तरफ शै बौलणौ वाल़ा कुणिए बै ना थी, औरौ सौबीए मैरा साथ छोड़े दिया। हांव प्रार्थना कौरु कै पौरमेशवर इयौं बातौ कारिए तिनु माफ कौरौ।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।