1 कुरिन्थियों 13:4 - सिरमौरी नौवाँ नियम

⁴ जू लोग ओकीआरी प्यार कौरौ, सैजै सब्र औरौ दया कै साथै काम कौरौ, तिनु ज़लन ना हौंव, सैजै आपणै बारै मुंजी घमण्‍ड ना कौरौ औरौ ना तिनु गर्व हौंव।

Sirmouri

⁴ पियार सबैर असो, अरह् कृपा कर्णो वाल़ा असो; पियार डाह्-जल़्ण ने करदा; पियार आप्णी बड़ियाऐं ने करदा, अरह् शियाँगिन्दा ने आथी,

1 कुरिन्थियों 13:4 ပူးပေါင်းရင်းမြစ်များ

मत्ती 27:18

जिथुकै सै जाणौ थिया, कै तिनुऐ यीशु खै रिशो की बौजैह शै थोमाए राए थिया।

प्रेरितो कै काम 7:9

“कुलपतिए आपणै भाई यूसुफ शै रिश कौरेयौ तैसी मिस्र देश दै जाणै वाल़ै कै हाथौ गुलाम कै रुपो दा बैकै दिया। पौरौ पौरमेशवर तैसकै साथै थिया।

रोमियों 1:29

इथकारिए सैजै सौब भान्त कै अधरम, औरौ दुष्टता, औरौ लोभ, औरौ बैर-भाव लैई भोरै गौवै; औरौ डाह, औरौ हत्या, औरौ ज़लन, औरौ छल लैई भोरै गौवै, औरौ चुगलखोर,

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

1 कुरिन्थियों 3:3

जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

1 कुरिन्थियों 4:18

तोंवारै बीच मुंजी किछै लोग सुंचौए कै हांव तुऔंआरी भैटिंदा ना ओऊवा, औरौ इथकारिए सै घमण्डी हौए गौवै।

1 कुरिन्थियों 4:6

ओए रै बिशवाशी भाईयों, मोऐं आपणा औरौ अपुल्लोस का उदारण इथकारिए दिया, ताकि तुऐं आमु शै ऐजौ शिखौ कै पवित्र शास्त्र दो जू लैख राए, तिथदै आगै नी बौढ़ौ। ऐजौ आछौ ना आथी कै तुऐं ऐक अगुवे कै इज्जत कौरौ औरौ दूजै कै बैज्जती कौरौ।

1 कुरिन्थियों 5:2

औरौ तुऔं कै इथकै बारै मुंजी बैजाए दुख लैई भोरै जाणौ चैंई थियु तुऔं तैसी ऐजी चैतावणी दैणी चैंई कै जांव तौड़ी सै पश्‍चाताप ना कौरे पांव, तांव तौड़ी सै कलीसिया दै ना आए सौकौ पौरौ इथकै बजाय, घमण्‍ड महसूस कौरौ।

1 कुरिन्थियों 8:1

ऐबै मूर्ति कै सामणै बल़ि कौरेयौंदी चीज़ौ कै बारै मुंजी आमु जाणुए, कै आमु सौबी खै ज्ञान औसौ: ज्ञान घमण्‍ड पौयदा कौरौ, पौरौ प्यार लैई बौढ़ौतरी हौंव।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

2 कुरिन्थियों 6:6

पौरौ आमुए आपी खै पवित्र राखै औरौ ज्ञानी, सौब्री औरौ दयालु रौवै। पवित्र आत्मा कै मौजूदगी अमारै साथै रौए।

गलातियौं 5:26

आमु घमण्‍ड नै कौरणा चैंई, आमु ऐकी दूजै शै पौरैशान नी हौणौ चैंई, औरौ आमु ऐकी दूजै शै ज़लन नै राखणै चैंई।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

फिलिप्पियों 1:15

किछै लोग तौ ज़लन औरौ झगड़ालु हौणौ की बौजैह शै मसीह कै बारै मुंजी सुसमाचार का प्रचार कौरौ, पौरौ किछै लोग आछै इरादै शै प्रचार कौरौ।

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

कुलुस्सियों 2:18

सै शोरीर का मुंड औसौ। ऐजौ तैसकै दवारा हौंव कै शोरीर कै सौबी अंगो कै दैखभाल हौंव औरौ तिनु ऐक साथै राखी। तौ ऐजौ तैशैखै बौढ़ौ जैशै पौरमेशवर चांव कै ऐजौ बौढ़ौ। कोसी लैई बै आपणै बैज्जती नै कौरांव औरौ स्‍वर्गदूतौ कै आराधना कौरेयौ बैकार नै बौणौ। ऐशणै लोग दर्शनों दै शामिल हौंव, जू तिनु तिनकै मानसिक सोंच की बौजैह शै मूर्ख तरीकै शै घमण्‍ड शै भोरै दैंव। तिनुऐ मसीह कै छोड़े दिया।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

1 तीमुथियुस 6:4

तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

याकूब 4:5

कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?

1 पतरस 2:1

इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

1 यूहन्ना 4:11

ओए रै प्यारो, जोबै पौरमेशवरे आमुआरी ऐशणा प्यार कौरे राए, तौ आमु बै आपी मुंजी ऐकी दुजैआरी प्यार कौरणा चैंई।