1 कुरिन्थियों 13:3 - सिरमौरी नौवाँ नियम

³ औरौ जै हांव आपणै सारै जायदात कंगालो खै दैय दियु, औरौ इथै तौड़ी कै जै हांव लोगौ कै आपणा शोरीर फूंकणौ कै दैय दियु, औरौ लोगौ आरी प्यार ना राखु तौ मुखै किछै बै फायदा ना हौंदा।

Sirmouri

³ जे हाँव आप्णी बादी घरोवची कंगाल-गरीबो कैई शी खियाऐं देऊँ, के आप्णी देह्-शरीर जल़ाणों खे देऐ देऊँ, अरह् पियार ने करू, तअ मेरा किऐ फाय्दा ने आथी।

1 कुरिन्थियों 13:3 ပူးပေါင်းရင်းမြစ်များ

मत्ती 23:5

सै कैई तरह कै नियम बौणांव जिनु मानणै औरौ कौरणै लोगौ कारिए चैईथै औसौ, सै आपणै ताबीजों खै जिथपांदी शास्त्र कै वचन हौंव, तिनु माथै पांदी औरौ बाऐ पांदी बानो, औरौ आपणै खोटणो खै पालै बौढ़ाव।

लूका 18:22

ऐजौ शोणेयो, “यीशुए तैसी बौल़ौ, ऐबै बै तांव दै ऐकी बातौ की कमी औसौ, आपणौ सौबै ठुँ बिकैयो गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 18:28

पतरसे बौल़ौ, “आमै तौ घोरबार तांव कारिए छोड़े दियु कै तैरै चैलै बौणु।”

लूका 19:8

जक्‍कईए खाणौ कै बाद खौड़ै हौयौ प्रभु यीशु खै बुलो, “ओए रै प्रभु यीशु, दैख, हांव आपणै आधै जायदात गरीबो कै दैय दियु, औरौ जै मामला लोणो मुंजीदै कोसी कौ किछै बै धौखै शै लोए राए तौ हांव तिथु चार गुणा पाछु दैय दैंदा।”

यूहन्ना 12:43

जिथुकै तिनुकै पौरमेशवर कै तारीफ शै आदमी कै तारीफ जादा प्यारे लागै।

यूहन्ना 13:37

पतरसे तैसीखै बौल़ौ, “ओए रै प्रभु, इबी हांव तैरै पौछौड़ियौ काए ना आए सौकु? हांव तौ तांव कारिए मौरणौ कै बै तैयार औसौ।”

यूहन्ना 15:13

ऐक आदमी आपणै दोस्त कै ऐजौ दिखाणौ कारिए कै सै तैसीआरी प्यार कौरौ, सौबिदा आछा तरीका ऐजा औसौ कै सै तिनु कारिए मौरे जांव।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

प्रेरितो कै काम 21:13

पौरौ पौलुसे जोवाब दिया, “तुऐं ऐजौ का कौरौ, कै रुए-रुयो मैरा मन तौड़ौ? हांव तौ प्रभु यीशु कै नांव कारिए यरूशलेम शहर दा सिरफ बानणो कारिए ही नी पौरौ मोरणो कारिए बै तैयार औसौ।”

गलातियौं 5:26

आमु घमण्‍ड नै कौरणा चैंई, आमु ऐकी दूजै शै पौरैशान नी हौणौ चैंई, औरौ आमु ऐकी दूजै शै ज़लन नै राखणै चैंई।

फिलिप्पियों 2:3

स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

1 तीमुथियुस 4:8

जिथुकै शोरीर कै कामौ शै सिरफ तोंवारै शोरीर कै ही फायदा भैटदा, पौरौ भोक्‍ती सौब बातौ कारिए भले औसौ, जिथुकै ऐजौ ऐक आदमी खै इनाम दैणौ का वादा कौरौ जोबै सै इयौं धोरती पांदी जियुंदी रौंव औरौ मोरणो कै बाद बै।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।