1 कुरिन्थियों 13:12 - सिरमौरी नौवाँ नियम

¹² आमै ऐसी जीवन दै सौबै ठुँ पूरी तरह शै ना सौमझौ। ऐजौ कोसी चीज़ कै शीशै दौ धुंधल़ो दैखणौ जैशणौ औसौ, पौरौ जोबै आमै स्वर्गो दै जोऊंबे, तौ आमै सौबै ठुँ सोही तरीकै शै सौमझदै। जिथुकै आमै पौरमेशवर खै आमणै सामणै दैखदै। इबी मैरा ज्ञान अधूरा औसौ। सिरफ आणौवाल़ै सौमय दा ही हांव पौरमेशवर खै पूरी तरह सै जाणै पांदा, जैशै पौरमेशवर आमु कै पूरी तरह सै जाणौए।

Sirmouri

¹² हेभी अमाँरे सीसे दो झाँमंरो दे:खियों, परह् तेसी बख्ते आँम्णें-सहाँम्णें दे:ख्दे: ऐसी बख्ते मेरा ज्ञाँन आधा-अ; धुरा असो, परह् तेसी बख्ते सुवाँ करियों पछ़याँणुबा, जेष्णाँ मुँह पछ़याँणा गुवा।

1 कुरिन्थियों 13:12 ပူးပေါင်းရင်းမြစ်များ

मत्ती 18:10

दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

मत्ती 5:8

“धन्‍य औसौ सैजै, जिनकै मन शुध्द औसौ, जिथुखै सै पौरमेशवर खै दैखदै।”

रोमियों 8:18

हांव निशोंक हौयौ जाणु कै जू दुख औरौ कौल़ेश आमुए सैहन कौरे लौवै, सैजी महिमा जू पौरमेशवर आमु दैंदा लागै रौआ, तियौं महिमा कै आगै ऐजै दुख किछै बै ना आथी।

1 कुरिन्थियों 13:11

ऐजौ आदमी कै बौढ़ौतरी कै जैशणौ औसौ। जोबै हांव ऐक नानड़िया थिया, औरौ नानड़िया कै जैशणी बातौ कौरु औरौ सुंचौ थिया, औरौ सवाल कौरु थिया। पौरौ जोबै आमै बौड़ै हुवे तौ आमै बैतुकै तरीकै बंद कौरे दियै।

1 कुरिन्थियों 8:3

पौरौ जै कुणिए पौरमेशवर शै प्यार राखौ, तौ पौरमेशवर तैसी आदमी खै जाणौए।

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

2 कुरिन्थियों 5:7

जोबै आमै इयौं दुनिया दै रोऊं, तौ आमै आपणै बिशवाश लैई प्रभु कै पाछैदै चालु, ना कै तैसी दैखैयो।

फिलिप्पियों 3:12

हांव ऐजा दावा ना कौरु कै मोऐं इनु सौबी चीज़ौ कै आगै दी ही पाए रैई, या मोऐं तैसी सिध्दता कै पाणौ कारिए बैजाए कौचिश कौरे लौए। पौरौ हांव तियौं चीज़ कै पाणौ कारिए आगै बौढ़दा जांदा लागै रौआ ताकि हांव सिध्द हौए जोऊं जिथकारिए मसीह यीशुए मुखै चोणे राए थिया।

याकूब 1:23

जिथुकै जू कुणिए पौरमेशवर कै वचन कै शुणणैवाल़ा हौंव औरौ तिथु मानणै वाल़ा नी हौंव, तौ सै तैसी आदमी कै जैशणा औसौ जू आपणौ मुँह शीशै दौ दैखौ।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

प्रकाशितवाक्य 22:4

सै पौरमेशवर कै आमणै-सामणै दैखदै, औरौ पौरमेशवर कौ नांव तिनकै माथै पांदी लैखयौंदो हौन्दौ।