1 कुरिन्थियों 12:9 - सिरमौरी नौवाँ नियम

⁹ सै ऐक आदमी खै मसीह दा बैजाए बिशवाश कौरणौ का वरदान दैंव; औरौ कोसी खै बीमार लोगौ खै ठीक कौरणौ कै वरदान दैंव।

Sirmouri

⁹ कोसी खे तियों ही पबित्र-आत्त्मा के जाँणें बिश्वाष, अरह् कोसी खे चंगाऐ कर्णो का बर्दांन दिया ज़ाँव।

1 कुरिन्थियों 12:9 ပူးပေါင်းရင်းမြစ်များ

मत्ती 10:8

बीमारों खै ठीक कौरौ: औरौ मौरेयौंदे खै जियुंदी कौरौ, कोढ़ियों खै शुध्द कौरौ: औरौ दुष्टआत्मा खै घाड़ो: तुऐं मुफ्त पाए राए, मुफ्त ही दैंव।

मत्ती 21:21

यीशुए तिनुखै जोवाब दिया, “हांव तुऔं खै साचौ बुलू; कै जै तुऐं बिशवाश राखलै, औरौ शक ना कौरौ; ना तौ तुऐं सिरफ ऐजौ कौरदै, जू ऐसी अंजीर कै डाल़ो आरी कौरे राए; पौरौ जै इयौं धारो कै बै बौलल़ै, की ओकशै जा, औरौ समुन्द्रो दो हौटै जा तौ ऐजौ बै हौए जांदो।

मरकुस 16:18

जै सै ऐक विषाल़ा दानो खै ऊबा टिपलै तौ हांव तिनुखै बौचाया कौरदा, औरौ जै सै जोयर बै पिलै, तौ हांव तिथलैई तिनका नुकसान ना हौणौ दैंदा। जै सै मैरै नांव लोयो बीमार लोगौ पांदी हाथ राखलै, तौ सै ठीक हौए जालै।”

मरकुस 6:13

औरौ बौहिती दुष्टआत्माओं खै घाड़ी, औरौ बौहितै बीमार लोगौ पांदी जैतून का तेल लाएबा तिनुखै ठीक कौरे।

लूका 10:9

तिथै कै बीमारों कै ठीक कौरौ: औरौ तिनुखै बौलेया, ‘पौरमेशवर का राज तोंवारै धोरे आए रोआ।’

लूका 9:2

औरौ तिनु पौरमेशवर कै राज्य का प्रचार कौरणौ, औरौ बीमारियों कै ठीक कौरणौ कारिए भैजै दिए।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 5:15

जू किछै चोणेयौंदे चैलै कौरे लो थियु, तिथकै बौजैह शै लोग बीमारों कै शोड़कै पुंडे लाए लायौ खै, टाटो औरौ बिछाणै पांदी लिटाए दैंव थिए, कै जोबै पतरस आंव, तौ तैसकै छांव ही तिनुमुंजी दै कोसी पांदी पौड़ै जांव।

1 कुरिन्थियों 12:28

कलीसिया दै पौरमेशवरे कैई भान्त कै काम दैय राए आगै सैजै लोग जू तैसकै चोणेयौंदे चैलै औसौ, औकै पौरमेशवर कै बातौ बौताणौवाल़ै औसौ जू तैसकै बातो खै बौल़ौ, तिजै सैजै लोग जू शिखाणौ वाल़ै औसौ। तिथकै बाद, सैजै लोग जिनु कै तैणै चौमत्कार कौरणौ का औधिकार दैय राए। तोबै सैजै जिनु ओकी कि मौदद कौरणौ कै काबलियत भैटी रौए, तोबै सैजै जू अगुवे औसौ, तोबै सैजै जिनु पवित्र आत्मा दवारा कैई नुई भाषाओं कै बौलणौ कै काबलियत भैटी रौए।

1 कुरिन्थियों 12:30

सौबी खै ठीक कौरणौ का वरदान ना भैटी रैई औरौ सौबवे कैई भान्त कै नुई भाषा ना बौल़ौ।

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

2 कुरिन्थियों 4:13

पौरौ आमै प्रचार कौरणा जारी राखा जिथुकै आमु दा ऐशणा बिशवाश औसौ जैशै पवित्र शास्त्र दो लैख राए, कै “मोऐं पौरमेशवर पांदी बिशवाश कौरा, इथकारिए मोऐं बौल़ौ।” ऐशैखैई आमै बै बिशवाश कौरु, इथकारिए बुलूए।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

इब्रानियों 11:33

इनुवे बिशवाश लैई, राज्‍य जीतै, धरम कै काम कौरे; वादै कौरीयौंदी चीज़ौ पाई, औरौ शेर तिनु खाए ना सोकी,