1 कुरिन्थियों 12:27 - सिरमौरी नौवाँ नियम

²⁷ ऐशैखैई तुऐं सौबै मिलैयौ मसीह कै शोरीर औसौ, औरौ तुऔं मुंजीदै हरेक तैसकै शोरीर कै अंगो कै जैशणै औसौ।

Sirmouri

²⁷ तेष्णें ही तुँऐं बादे मीलियों मसीया की देह्-शरीर असो, अरह् ज़ई-ज़ई तिनके अंग असो;

1 कुरिन्थियों 12:27 ပူးပေါင်းရင်းမြစ်များ

रोमियों 12:5

ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

1 कुरिन्थियों 10:17

जिथुकै ऐक रोटी इयौं बातौ कै निशानी औसौ कै आमै जू कैतरै जोणे औसौ मसीह दै ऐक शोरीर औसौ, जिथुकै आमै सौब ऐक रोटै पौरैशौ खोऊं।

1 कुरिन्थियों 12:12

जिथुकै जैशैखै आदमी का शोरीर ऐक औसौ औरौ तैसकै शोरीर कै अंग बौहितै औसौ, औरौ तैसी शोरीर कै सौबै अंग, बौहितै हौणौ पांदी बै सौबै मिलैयौ ऐकैई शोरीर कै औसौ तैशैखैई मसीह बै औरौ तैसी पांदी बिशवाश कौरणौवाल़ै बिशवाशी बै ऐक औसौ।

1 कुरिन्थियों 12:26

जै शोरीर का कुणजाई अंग दुख पांव, तौ तैसकै साथै शोरीर कै औकै सौबै अंग बै दुख पांव। जै कोसी ऐकी अंग कै इज्जत बौढ़ौ तौ सौबी अंग कै इज्जत बौढ़ौ।

1 कुरिन्थियों 6:15

तुऐं जौरुर जाणौ कै तोंवारा शोरीर मसीह कै अंग औसौ। का ऐकी आदमी खै आपणै शोरीरो कै जू मसीह का औसौ, औरौ इथुकै वेश्या कै दैणा चैंई? ना! कौलोंई बै नी!

इफिसियों 1:23

कलीसिया मसीह का शोरीर औसौ, मसीह अमारै बीच आपणै पूरै शौकतै का इस्तैमाल तैशैखै कौरौ जैशै सै आपणै शौकतै का इस्तैमाल सारै ब्रह्मांड दा कौरौ।

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

इफिसियों 5:23

जिथुकै घोरवाल़ा तौ घोरवाल़ी को मुंड औसौ; औरौ मसीह कलीसिया का उध्दार कौरणौवाल़ा औरौ मुंड औसौ, औरौ कलीसिया तैसका आपणा शोरीर औसौ।

इफिसियों 5:30

इथकारिए कै आमु सौबै मसीह कै शोरीर कै अंगो कै जैशणै औसौ।

कुलुस्सियों 1:18

मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।