1 कुरिन्थियों 12:13 - सिरमौरी नौवाँ नियम

¹³ जिथुकै आमै सौबीए का यहूदी, का बैगानै यहूदी लोग, का गुलाम, का आज़ाद ऐकैई आत्मा कै दवारा ऐकैई शोरीर हौणौ कारिए बपतिस्मा लौआ, औरौ आमु सौबी कै ऐकैई आत्मा भैटी रौए।

Sirmouri

¹³ किन्देंखे के आँमें सभिऐं भाँव यहूदी भाँव यूनानी, भाँव दास भाँव अजाद, ऐकी पबित्र-आत्त्मा के जाँणें ऐक देह्-शरीर हंणों खे नहाँण-नहाँऐं थो, अरह् आँमों सोभी कैई शी ऐक ही आत्त्मा पियाऐं थऐ।

1 कुरिन्थियों 12:13 ပူးပေါင်းရင်းမြစ်များ

मत्ती 3:11

“हांव तुऔं पाणी लैई बपतिस्मा दैंदा, जिनुवै आपणै पाप छोड़ेयौ पौरमेशवर कै ढौबौ मन राए लाए, पौरौ जू मैरै बाद आणौवाल़ा औसौ, सै मुं दा शौकतीशाली औसौ; हांव तौ तैसकै जूते कै तशमै खौलणौ कै लायक बै ना आथी, सै तुऔं खै पवित्र आत्मा औरौ आगै लैई बपतिस्मा दैंदा।

लूका 3:16

तौ यूहन्नाए तिनु सौबी कै जोवाब दिया, “हांव तौ तुऔं पाणी शै बपतिस्मा दियु पौरौ सै आणौवाल़ा औसौ जू मुं दा बै शौकतीशाली औसौ; हांव तौ ऐसी लायक बै आथी ना कै तैसकै जूते कै तशमै खोले सौकु, सै तुऔं खै पवित्र आत्मा औरौ आगै लैई बपतिस्मा दैंदा।

यूहन्ना 1:16

जिथुखै तैसकै महान दया की परिपूर्णता शै आमु सौबी खै अनुग्रह पांदी अनुग्रह भैटी रौआ।

यूहन्ना 1:33

औरौ हांव तौ तैसीखै पौछेयाणु नै थिया कै सै मसीह औसौ, पौरौ जैणै मौखै पाणी लैई बपतिस्मा दैंदा भैजा, तैणै मौखै बौल़ौ, ‘जैसी पांदी तू पवित्र आत्मा खै उतरदै बैई औरौ ठोरदे बैई दैखला; सैजाई पवित्र आत्मा लैई बपतिस्मा दैणौवाल़ा औसौ।’

यूहन्ना 3:5

यीशुए जोवाब दिया, “हांव ताखै साचौ-साचौ बुलू, जांव तौड़ी कुणिए आदमी पाणी औरौ पवित्र आत्मा शै ना जन्मो तौ सै पौरमेशवर कै राज्य दै जाए ना सौकौ।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

प्रेरितो कै काम 1:5

जिथुकै यूहन्ना बपतिस्मा दाताए लोगौ कै पाणी लैई बपतिस्मा दिया, पौरौ दैणिक दूसौ कै बाद पौरमेशवर तोंवारै साथै रौणौ कारिए पवित्र आत्मा भैजदा।”

रोमियों 3:22

यानी आमै पौरमेशवर कै सामणै धरमी तोबै बौणु जोबै आमै यीशु मसीह पांदी बिशवाश कौरु। जिथुकै पौरमेशवर सौबी कै साथै ऐक जैशणा बर्ताव कौरौ;

रोमियों 3:29

पौरमेशवर सिरफ यहूदी लोगौ का पौरमेशवर ना आथी, पौरौ बैगानै यहूदी लोगौ का बै पौरमेशवर औसौ।

रोमियों 4:11

पौरमेशवरे तैसी खतना हौणौ दै आगैई धरमी साबित कौरे राए थिया, खतने का निशान ऐजौ दिखांव कै पौरमेशवर तैसी धरमी सौमझौ। पौरमेशवर बिशवाश कौरणौवाल़ौ का आत्मिक पिता औसौ पौरौ जिनका खतना ना हौए रैई। तोबै बै सैजै लोग आपणै बिशवाश कै जरिए ही धरमी गिणै जालै।

1 कुरिन्थियों 10:2

जैशैकै आमै प्रभु यीशु कै चैलै बौणणौ कारिए बपतिस्मा लोऊ, तैशैखैई सैजै सौबै बादल़ौ कै छांव दै थिए औरौ मूसा कै चैलै बौणैयौं लाल समुन्द्र शै होयो हौटै।

गलातियौं 3:23

पौरौ इदा आगै मसीह ओऊवा औरौ आमु तैसी पांदी बिशवाश कौरे सौकु, मसीह कै आणौ दै औगौड़ियौ, आमु यहूदियों कै कैद दै राखै राए थिए औरौ मूसा कै कानून अमारै रोखवाल़ी कौरौ थिए।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

इफिसियों 4:5

सिरफ ऐकैई प्रभु औसौ, यानी यीशु मसीह। आमै सौबै ऐकैई शिक्षा पांदी बिशवाश कौरु औरौ आमु सौबी कै ऐकैई बपतिस्मा भैटी रौआ।

इफिसियों 5:26

ताकि सै कलीसिया कै पौरमेशवर कै वचन औरौ पाणी शै धौयौ शुध्द कौरेयौ पवित्र बाणै सौकौ।

इफिसियों 6:8

जिथकै तुऐं जाणौए, कै जू कुणिए जैशणा आछा काम कौरला, चाहै सेवक हौंव, चाहै आज़ाद आदमी, तौ प्रभु शै तिथका प्रतिफल पांदा।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।