1 कुरिन्थियों 12:11 - सिरमौरी नौवाँ नियम

¹¹ पौरौ ऐजा सिरफ पौरमेशवर का आत्मा औसौ जू इनु सौबी वरदानो का दैणौवाल़ा औसौ, औरौ सै सैजाई औसौ जू तिनु हरेक खै जैशै सै चांव तैशै बांडो।

Sirmouri

¹¹ परह् ऐजी बादी शक्त्ति-शाली काँम-काज़ तियों ही ऐक पबित्र-आत्त्मा शा दिया ज़ाँव, अरह् से जेस्खे जुण्जों किऐं देंणों चहाँव सेजो बाँडा-बाँडियों दियों।

1 कुरिन्थियों 12:11 ပူးပေါင်းရင်းမြစ်များ

मत्ती 11:26

हौर बै, ओए रै पिता पौरमेशवर जिथुखै ताखै ऐजौ आछौ लागौ।”

मत्ती 20:15

मुंआ ऐजा औधिकार औसौ कै हांव आपणै पौयसै शै जू कौरणौ चोऊं, सै कौरु? तुऔं खै मैरै साथै ज़लन ना राखणै चैंई कै हांव दया शै दियु?’

यूहन्ना 3:27

यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

यूहन्ना 3:8

हावा जैतौ कै चांव तैतौ कै ही फिरो, औरौ तू तिथकै शब्द शुणै, पौरौ ना जाणै कै कुकै दै आए औरौ कुकै जांव; जू कुणिए पवित्र आत्मा लैई जन्मे रौआ सै ऐशणाई औसौ।”

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

रोमियों 12:6

जोबै कै तैसी अनुग्रह कै हिसाब शै जू पौरमेशवरे आमु दैय राए, आमुखै भान्त‌‌‌-भान्त कै वरदान भैटी रौवै। तौ जैसीखै पौरमेशवर कै बातौ बौताणौवाल़ै कै वरदान भैटी रौवै, तैसी तिनु बातौ कै बौल़णी चैंई जैसी पांदी सै बिशवाश कौरौ कै पौरमेशवरे तैसी बौताए राए।

रोमियों 9:18

तौ बै, सै जैसी पांदी चांव, तैसी पांदी दया कौरौ; औरौ जैसी चांव तैसी हठीला बाणै दैंव।

1 कुरिन्थियों 12:18

पौरौ सौथीखै पौरमेशवरे अमारै शोरीर कै सौबै अंग खै आपणी इछा कै हिसाब शै शोरीरो दा तैशणाई ठाँव दैय राए।

1 कुरिन्थियों 12:4

ऐबै कैई भान्त कै आत्मिक वरदान औसौ, पौरौ ऐजा सैजाई पवित्र आत्मा औसौ जू तिनु सौबी वरदान कै दैंव,

1 कुरिन्थियों 12:6

कैई जोई-जोई तरीकै शै पौरमेशवर अमारै जीवन दै काम कौरौ, पौरौ पौरमेशवर ऐकैई औसौ जू आमु सौबी कै जरिए काम कौरौ।

1 कुरिन्थियों 7:17

सौब आदमी खै तियौं दशा दो बौणैयौंदो रौणौ चैंई जू पौरमेशवर खै बौईददै बैई तिनकै थै। औरौ जैशै पौरमेशवरे सौबी खै तैसकै लोग हौणौ कारिए बौएदै राए तैशैखैई सै चालौ: औरौ हांव सौबी कलीसियाओं दो ऐशैखैई ठैहरोऊं।

1 कुरिन्थियों 7:7

हांव ऐजौ चोऊं, कै जैशणा हांव बिना बैयाव का औसौ, तैशैखैई सौबै आदमी हौंव, पौरौ हरेक खै पौरमेशवर कै ढौबौशै खास वरदान भैटी रौवै; पौरमेशवर किछै लोगौ खै बैयाव कौरणौ का वरदान दैंव औरौ किछै लोगौ खै बिना बैयाव दै रौणौ का वरदान दैंव।

2 कुरिन्थियों 10:13

आमै तौ तैसी कामौ दै बायरै जू पौरमेशवरे आमु दैय राए कोदी बै घमण्‍ड ना कोरदै, पौरौ ऐक हद तौड़ी जू पौरमेशवरे तय कौरी राए औरौ तिथमुंजी तुऐं बै आए गौवै, औरौ तिथकै हिसाब शै घमण्‍ड बै कौरु।

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 4:7

पौरौ मसीहे आमु मुंजीदै हरेक आदमी कै तैसकै काम कौरणौ कारिए जौई-जौई खास वरदान दैय राए। औरौ ऐजौ जैसी हिसाब शै तैणै दैणौ चोऊ, तैसी हिसाब शै दैय दियु।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।