1 कुरिन्थियों 12:1 - सिरमौरी नौवाँ नियम

¹ ओए रै बिशवाशी भाईयों, तैसी सवाल कै बारै मुंजी जू तुऐं वरदानो कै बारै मुंजी पूछै राए जू पवित्र आत्मा आमुखै दैंव, हांव चोऊं कै तुऐं तिथकै बारै मुंजी आछै तरीकै शै सौमझौ।

Sirmouri

¹ हे भाऐ-बंईणों, हाँव चहाँऊ, के तुँऐं पबित्र-आत्त्मा के बर्दांनों के बारे दे अंण-जाँण ने रंह्।

1 कुरिन्थियों 12:1 ပူးပေါင်းရင်းမြစ်များ

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

1 कुरिन्थियों 10:1

ओए रै बिशवाशी भाईयों, हांव चोऊं कै तुऐं याद राखौ कै जोंगलो दै अमारै पुराणिया कै साथै तिनकै सौमय दो का हौ। पौरमेशवरे तिनु सौबी खै ऐक बादल़ भैजैयो बाट दिखाए जू तिनकै आगै-आगै हांडै रौआ थिया, औरौ तैसी बादल़ै तिनु सौबी कै लाल समुन्द्रो कै पाणी कै बीच शै शुकी जोमीनो पांदी सोएं कौरेयौ नियै।

1 कुरिन्थियों 14:37

जै कुणिए आदमी आपी खै पौरमेशवर कै बातौ बौताणौवाल़ा या ऐशणा आदमै सौमझौ जैसी पवित्र आत्माए वरदान दैय राए, तौ सै ऐजौ जाणै पाव कै मोऐं जू किछै तुऔं लैखै लौ, सैजी प्रभु की आज्ञाए औसौ।

2 कुरिन्थियों 1:8

ओए रै बिशवाशी भाईयों, हांव जाणुए कै तुऐं तिनु पौरैशानी कै बारै मुंजी जाणौ जू आमु पांदी थी, जू एशिया प्रदेश दी आमु पांदी पौड़ौ, कै ऐशणै भारी बौझ लैई दौबे गौवै थिए, इथका भार टिपणा आमु कारिए बरदाश शै बायरै थिया। इथै तौड़ी कै आमुए जिणौ कै पूरै उमीद छोड़े दै थै।

इफिसियों 4:11

ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

1 थिस्सलुनीकियों 4:13

ओए रै बिशवाशी भाईयों, आमै चोऊं कै तुऐं ऐजौ जाणै पाव कै तिनु बिशवाशियौं कारिए ऐजौ कैशै हौंदौ जू आगै ही मौरे गौवै। ऐशै नी हौंव, कै तुऐं ओकी कै जैशणा शोक मौनांव जिथुकै तिनु आशा ना आथी कै मौरणौ कै बाद सै औटेयौ जियुंदी हौए जांदै।

2 पतरस 3:8

ओए रै बिशवाशी भाईटु, इयौं ऐकी बातौ खै कौलोंई नी बिसरेया कै पौरमेशवर कारिए ऐक दूस ऐक हजार सालो कै जैशणौ औसौ औरौ ऐक हजार साल ऐकी दूसौ कै जैशणौ औसौ। प्रभु कारिए ऐक दूस औरौ ऐक हजार सालो सौबै ऐक बोराबर औसौ।