1 कुरिन्थियों 11:6 - सिरमौरी नौवाँ नियम

⁶ जै बैटमाणिश नांगी मुंडै रौंव, तौ सै आपणै बाल़ बै कौटाए दैंव; जै बैटमाणिशौ कारिए बाल़ कौटाणै या मुंडाणै शर्म कै बात औसौ, तौ तियौं आपणै मुंडो पांदी किछै लाणौ चैंई।

Sirmouri

⁶ जे तिरंई आप्णें मुँढों गाशी चुनी के ढाँठू ने लाँव, तअ से आप्णे बाल़ भे लुणाँऐयों खुरमुँडी बाँणों, अरह् जे से बाल़ लुणाँणें के खुरमुँडी बाण्णों दी आप्णी बैस्ती जाँणों, तअ से आप्णें मूँडो गाशी चुन्नी के ढाँठू लाँव।

1 कुरिन्थियों 11:6 ပူးပေါင်းရင်းမြစ်များ

प्रेरितो कै काम 18:18

औरौ पौलुस बौहितै दूसौ तौड़ी कुरिन्‍थुस शहर दा रौआ, तोबै बिशवाशी भाईयों मुंजीदा आगु जायौ सै किंख्रिया नोगर दा हौटा। तैसी नोगरो दै पौलुसे आपणै मुंडो कै खुल़मुंडी बाणै, जिथुकै तैणै ऐक हिच कौरे राए थी, औरौ बाद मै समुन्द्रो कै बाटो बाटी सीरिया प्रदेश खै हौटै गौआ औरौ तैसकै साथी प्रिस्किल्‍ला औरौ अक्विला थिए।

1 कुरिन्थियों 11:5

पौरौ जू बैटमाणिश नांगी मुंडै कलीसिया दै प्रार्थना औरौ पौरमेशवर का सौंदेश खै बौतांव सै आपणै घोरवाल़ै कै खातिर शर्म कै बात लांव औरौ तियौंखै औरौ ऐक ऐशणी बैटमाणिश कै बीच कुणजाई अंतर ना आथी जियौं शर्मिंदा कौरणौ कारिए तियौंखै खुल़मुंडी बाणै राए।

1 कुरिन्थियों 11:7

मर्दो खै आपणौ मुंड खोटणो ठीक ना आथी, जिथुकै मर्द खै पौरमेशवर कै आकार दा बाणै राए औरौ पौरमेशवर कै महिमा खै दिखांव; ऐशैखैई बैटमाणिश आदमी कै महिमा खै दिखांव।