1 कुरिन्थियों 11:5 - सिरमौरी नौवाँ नियम

⁵ पौरौ जू बैटमाणिश नांगी मुंडै कलीसिया दै प्रार्थना औरौ पौरमेशवर का सौंदेश खै बौतांव सै आपणै घोरवाल़ै कै खातिर शर्म कै बात लांव औरौ तियौंखै औरौ ऐक ऐशणी बैटमाणिश कै बीच कुणजाई अंतर ना आथी जियौं शर्मिंदा कौरणौ कारिए तियौंखै खुल़मुंडी बाणै राए।

Sirmouri

⁵ परह् जुण्जी तिरंई नाँगी मुँडे प्रार्थना के बरंम्बाणीं करह्, से आप्णे मुँढों के बैस्ती करह्, किन्देंखे के से खुरमुँडी के जैष्णी हंदी।

1 कुरिन्थियों 11:5 ပူးပေါင်းရင်းမြစ်များ

लूका 2:36

हनाह नांव की पौरमेशवर कै बातौ बौताणौवाल़ी थी, औरौ आशेर कै गोत्र मुंजीदै फनूएल नांव कै आदमी की बैटी थी। सै बौहितै बूढ़ी थी, औरौ बैयाव हौणौ कै बाद सै सात सालो तौड़ी आपणै घोरवाल़ै आरी रोए रोई थी।

प्रेरितो कै काम 2:17

प्रभु बौल़ौ, कै अन्त कै दूसौ दौ ऐशै हौन्दौ, कै हांव आपणै पवित्र आत्मा सौबी आदमी पांदी भैजदा, औरौ तोंवारै बैटै औरौ तुंआरी बैटी पौरमेशवर कै बातौ बौताया कौरदी औरौ तोंवारै जवान दर्शन दैखदै, औरौ तोंवारै बूढ़े आदमी सुईणै दैखदै।

प्रेरितो कै काम 21:9

तैसकी चार कुंवारी बैटी थी; जू पौरमेशवर की बातौ बौतांव थी।

1 कुरिन्थियों 11:4

इथकारिए जै कुणिए मर्द कलीसिया दै प्रार्थना कौरणौ कै सौमय या पौरमेशवर का सौंदेश शुणादै सौमय आपणै मुंडौ खै खौटौ तौ सै मसीह कै महिमा खै खौटौ।

1 कुरिन्थियों 11:6

जै बैटमाणिश नांगी मुंडै रौंव, तौ सै आपणै बाल़ बै कौटाए दैंव; जै बैटमाणिशौ कारिए बाल़ कौटाणै या मुंडाणै शर्म कै बात औसौ, तौ तियौं आपणै मुंडो पांदी किछै लाणौ चैंई।

1 कुरिन्थियों 14:34

कै कलीसियाओं दी बैटमाणिशौ चुपी रौंव, तिनुखै तिथै बात कौरणौ कै आज्ञा ना आथी, जू कि मूसा कै कानून कै हिसाब शै सोही औसौ कै सै अधीन बौणेयौंदी रौंव।