1 कुरिन्थियों 10:8 - सिरमौरी नौवाँ नियम

⁸ इथकारिए आमु कै कोसी भान्त कै गौलत काम कौलोंई ना कोरणै चैंई जैशै तिनुमुंजी दै कैतरै आदमीए कौरो औरौ ऐकी दूसौ दै तैईस हजार मौरे गौवै।

Sirmouri

⁸ अरह् ना तअ आँमें बिचका-काम करह्, जेष्णें के तिनू लोगो मुझ्शे कई लोगे करे थिऐ; अरह् तिन्दे का नंतिजा ऐजा हुवा, के तिनू लोगो मुझ़ शी तियाईष हजार लोग ऐके देस कठे मरे।

1 कुरिन्थियों 10:8 ပူးပေါင်းရင်းမြစ်များ

मत्ती 5:32

पौरौ हांव तुऔं खै ऐजौ बुलू कै जू कुणिए आपणी घोरवाल़ी खै गौलत सौमबंध कै सिवा किथुई ओकी बौजैह शै खित दैला तौ सै तियौं लैई गौलत सौमबंध बौणांव, औरौ जू कुणिए तियौं छोड़ेयौंदी आरी बैयाव कौरला, सै बै गौलत सौमबंध बौणांव।

1 कुरिन्थियों 6:18

गौलत सौमबंध कौलोंई नी राखैया कुणजाई ओका पाप सीधै तरीकै शै शोरीर खै नुकसान ना कौरौ। जैशै ऐजा पाप कौरौ। गौलत सौमबंध राखणौ वाल़ा आपणै ही शोरीर कै खिलाफ पाप कौरौ।

1 कुरिन्थियों 6:9

तुऐं जौरुर जाणौ, कै अन्यायी लोग पौरमेशवर कै राज्य कै वारिस ना हौंदै? कुणिए तुऔं धौखै लैई ऐजौ सुंचणौ पांदी मोजबूर नी कौरौ कै तुऐं बुरै कामौ खै कौरे सौकौ औरौ तोबै बै पौरमेशवर कै लोग औसौ। ना वेश्यगामी, ना मूर्तिपूजा कौरणौवाल़ै, ना सैजी बैटमाणिशौ जू आपी मुंजी नाजायज रिशतै राखौ, ना लुचै, ना सैजै मर्द जू आपी मुंजी नाजायज रिशतै राखौ।

प्रकाशितवाक्य 2:14

पौरौ मुखै तांवआरी ऐजी शिकायत औसौ, जिथुकै तू तिनु लोगौ का विरोध ना कौरे जू झूठी शिक्षा दैंव, जैशैखै पौरमेशवर कै बातौ बौताणौवाल़ै बिलामै पुराणै सौमय दै दैय राए थै। बिलामै राजा बालाक कै शिखोऊ कै इस्राएल देश कै लोगौ खै पाप कौरणौ कारिए उकसाणौ कारिए का कौरणौ चैंई। तैणै तिनु मूर्ति खै चौढ़ाएयौंदो भोजन खाणौ औरौ बुरै ढंग शै जीणु शिखोऊ।