1 कुरिन्थियों 10:7 - सिरमौरी नौवाँ नियम

⁷ औरौ ना ही तुऐं मूर्तिपूजा कौरणौवाल़ै बौणौ, जैशैकै तिनुमुंजी दै किछै लोग थिए, जैशैखै पवित्र शास्त्र बोतांव, कि लोग खाणौ पिणौ कारिए दावत दै बौठै। औरौ तोबै नाचदै औरौ ऐश मौस्ती कौरदै ऊबै बिजै।

Sirmouri

⁷ अरह् ना तुँऐं मुर्त्तियों पुज्णों वाल़े बंणें, जेष्णें के तिनू मुझ्शे कऐयों बंणी गुऐ थिऐ, जेष्णों के पबित्र-ग्रन्थों दो लिखी थो: के सेजे “लोग खाँदे-पींदे बईठे, अरह् खेल्दे-नाँच्दे बीऊँजे।”

1 कुरिन्थियों 10:7 ပူးပေါင်းရင်းမြစ်များ

प्रेरितो कै काम 15:20

पौरौ आमुए तिनु ऐक चिट्ठी लिखयो भैजै दै, ऐजौ बौताणौ कारिए कै सै सैजौ खाणौ नै खांव जू लोगै मूर्ति कै आगै चौढ़ाए राए औरौ गौलत सौमबंध औरौ गल़ा घोटेयौंदे गोरु को मांस नै खाया औरौ गोरु को लोऊ नै खाया।

1 कुरिन्थियों 10:14

ऐशैखैई, ओए रै मैरै प्यारो, मूर्ति पूजा शै दूर भागैया।

1 कुरिन्थियों 5:11

मैरा बौलणौ का मतलब ऐजा औसौ; कै जै आपी खै ऐक बिशवाशी ऐजौ बौल़ौ कै सै मसीह पांदी बिशवाश कौरौ, औरौ सै गौलत सौमबंध राखणौ वाल़ा, या लालची, या मूर्तिपूजा, या गाल़ी दैणौवाल़ा, या पियक्कड़, या अन्धेर कौरणौवाल़ा हौंव, तौ तैसकै साथै संगति नी राखैया; बल्कि ऐशणै आदमी कै साथै खाणौ बै नै खाया।

1 कुरिन्थियों 6:9

तुऐं जौरुर जाणौ, कै अन्यायी लोग पौरमेशवर कै राज्य कै वारिस ना हौंदै? कुणिए तुऔं धौखै लैई ऐजौ सुंचणौ पांदी मोजबूर नी कौरौ कै तुऐं बुरै कामौ खै कौरे सौकौ औरौ तोबै बै पौरमेशवर कै लोग औसौ। ना वेश्यगामी, ना मूर्तिपूजा कौरणौवाल़ै, ना सैजी बैटमाणिशौ जू आपी मुंजी नाजायज रिशतै राखौ, ना लुचै, ना सैजै मर्द जू आपी मुंजी नाजायज रिशतै राखौ।

1 कुरिन्थियों 8:7

पौरौ अमारै किछै बिशवाशी इबी तौड़ी ना जाणौ कै मूर्ति कैंई कुणजै शौकतै ना आथी, जिथुकै सै औगौड़ियौ तिनु मूर्ति कै आगै चौढ़ाएयौंदो खाणौ खांव, सै गौलती शै सुंचौए कै सै इबी बै तिनु मूर्ति कै पूजा दै शामिल औसौ। औरौ सै ऐजौ शोणेयो पौरैशान हौंव कै जै सै मूर्ति कै चौढ़ाएयौंदो खाणौं खांव तौ तिनुऐ पाप कौरे राए।

1 यूहन्ना 5:21

ओए रै नानड़िया, आपी कै ऐशणी बातो औरौ चीज़ौ शै दूर राखौ जू तोंवारै दिल दै पौरमेशवर कै जौगैह लौए सौकौ।