1 कुरिन्थियों 10:6 - सिरमौरी नौवाँ नियम

⁶ औरौ बैजाए साल पौछौड़ियौ अमारै पुराणिया कै साथै हौएयौंदी ऐजी बातौ आमु कारिए चैतावणी औसौ कै जै आमु तिनकै जैशणी बुराए कौरणौ कै इछा राखु तौ का हौंदौ।

Sirmouri

⁶ ऐजी बादी घट्णाँ आँमों खे चिताऊँणी असो, के आँमें बुराई की हिछ़या ने करो, जैष्णी के अमाँरे पुराँणियाँ बुढ़ाईके करी थी;

1 कुरिन्थियों 10:6 ပူးပေါင်းရင်းမြစ်များ

रोमियों 5:14

तौ बै आदम शै लैयौ मूसा तौड़ी सौबी लोगै पाप कौरा औरौ सै सौबै मौरे गौवै, जिनुवै तैसी आदम, जू किछै तरीकै दा तैसी आदमी कै जैशणा थिया औरौ किछै तरीकै दा तैसदा जौई थिया जू आणौवाल़ा थिया।

1 कुरिन्थियों 10:11

पौरौ ऐजी सौबै बातौ, जू तिनु पांदी पौड़ी, चैतावणी की रीति पांदी थी; औरौ सै आमु चैतावणी दैणौ कारिए लैखै रैई जू इयौं दुनिया कै अंत कै सौमय दै रौए रौवै।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।

2 पतरस 2:6

तुऐं ऐजौ बै जाणौए कै बैजाए सौमय औगौड़ियौ पौरमेशवरे सदोम औरौ अमोरा कै शहरो दै रौणौवाल़ै लोगौ खै सौजा दै जिथुकै तिनुऐ बुरै काम कौरे राए थिए। इथकारिए तैणै तिनु पूरी तरह शै भस्म कौरे दियै जांव तौड़ी कै सिरफ राख ना रौए गौई। ऐशै कौरेयौ तैणै दिखोऊ कै तिनु लोगौ कौ का हौंदौ जू तैसका डौर ना मानौ।

यहूदा 1:7

इनु इस्राएली लोगौ औरौ स्‍वर्गदूतौ कै जैशणै, तिनु लोगौ खै याद राखौ जू सदोम औरौ अमोरा औरौ तिनकै आंडे-पांडे कै शहरो दै रौंव थिए कै तिनकै साथै का हौए रौ थियु। सैजै लोग गौलत सौमबंध बाणणौवाल़ै हौए रौवै थिए औरौ कैई भान्त कै गौलत काम लैई भोरै रौवै थिए। इथकारिए पौरमेशवरे तिनु आग शै नाश कौरे राए। तिनकै साथै जू हौ सैजौ झूठै शिक्षको कारिए ऐक चैतावणी बौणै गौए कै तिनु बै सौदा कै आग शै सौजा भैटदै।