1 कुरिन्थियों 10:19 - सिरमौरी नौवाँ नियम

¹⁹ मोऐं ऐजौ बौल़ै लौ कै मूर्ति सौथीखै देवता ना आथी, औरौ तिनुखै चौढ़ाएयौंदो बलिदान किछै मतलब ना राखौ।

Sirmouri

¹⁹ तअ मेरे बुल्णों का मंतल्व ऐजा असो? के मुर्त्तियों गाशी चड़ाई अंदी बल़ी किऐ ने आथी, अरह् ना किऐ मुर्त्तियों आथी?

1 कुरिन्थियों 10:19 ပူးပေါင်းရင်းမြစ်များ

प्रेरितो कै काम 19:26

औरौ तुऐं दैखौ औरौ शुणौए कै सिरफ इफिसुस शहर ही नी, पौरौ एशिया प्रदेश कै सौबै गांव दै बौल बौलेयौ ऐसी पौलुसे बौहितै लोगौ खै सौमझाए औरौ भरमाए बै राए, कै जू हाथौ की कारीगरी औसौ, सै ईशवर ना आथी।

1 कुरिन्थियों 1:28

पौरमेशवरे तिनुखै चुणै, जू दुनिया कै नज़र दै नीच औसौ, बैकार औसौ औरौ जू कुछ बै ना आथी ताकि ऐजै लोग तिनु लोगौ कै बैकार कौरे दैंव, जू दुनिया दै खास सौमझै जांव।

1 कुरिन्थियों 10:14

ऐशैखैई, ओए रै मैरै प्यारो, मूर्ति पूजा शै दूर भागैया।

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 3:7

इथकारिए जू पौधे लांव औरौ जू पाणी दैंव तिथका कुणजाई मतलब ना आथी। इकली पौरमेशवर बौड़ा औसौ, जिथुकै सै औसौ जू पौधे कै बौढ़णौ कै बौजैह बौणौ।

1 कुरिन्थियों 8:4

तौ तोबै, हांव खाणौ कै बारै मुंजी सवाल का जोवाब दैणा चोऊं। आमै जाणुए कै सिरफ ऐकैई जियुंदी पौरमेशवर औसौ औरौ इयौं दुनिया दी मूर्ति बैजान औसौ।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।