1 कुरिन्थियों 10:17 - सिरमौरी नौवाँ नियम

¹⁷ जिथुकै ऐक रोटी इयौं बातौ कै निशानी औसौ कै आमै जू कैतरै जोणे औसौ मसीह दै ऐक शोरीर औसौ, जिथुकै आमै सौब ऐक रोटै पौरैशौ खोऊं।

Sirmouri

¹⁷ ईन्देंखे के ऐक ही रूटी असो, तबे भे आँमें जू बैजाऐ भहीते असो, ऐक हे देह्-शरीर असो: किन्देंखे के आँमें बादे झुणे ऐकी ही रोटी दे हिस्सेदार असो।

1 कुरिन्थियों 10:17 ပူးပေါင်းရင်းမြစ်များ

रोमियों 12:5

ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

1 कुरिन्थियों 10:21

ऐजौ ना हौए सौकौ कै तुऐं प्रभु कै कटौरै मुंजीदै औरौ दुष्टआत्मा कै कटौरै मुंजीदै बै पियौं, ऐशैकै ऐजौ बै ना हौए सौकौ कै तुऐं प्रभु कै मैजौ मुंजीदौ औरौ दुष्टआत्मा कै मैजौ मुंजीदै बै ऐक साथ भागी हौं जू आमु प्रभु कै मौत कै याद दिलांव।

1 कुरिन्थियों 12:12

जिथुकै जैशैखै आदमी का शोरीर ऐक औसौ औरौ तैसकै शोरीर कै अंग बौहितै औसौ, औरौ तैसी शोरीर कै सौबै अंग, बौहितै हौणौ पांदी बै सौबै मिलैयौ ऐकैई शोरीर कै औसौ तैशैखैई मसीह बै औरौ तैसी पांदी बिशवाश कौरणौवाल़ै बिशवाशी बै ऐक औसौ।

1 कुरिन्थियों 12:27

ऐशैखैई तुऐं सौबै मिलैयौ मसीह कै शोरीर औसौ, औरौ तुऔं मुंजीदै हरेक तैसकै शोरीर कै अंगो कै जैशणै औसौ।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

इफिसियों 4:16

जैशैखै ऐकी आदमी का शोरीर तैसकै जोड़ो कै दवारा ऐक साथी जोड़ेयौंदा रौंव, तैशैखैई मसीह आमु सौबी कै जू तैसी पांदी बिशवाश कौरो, आपणै शोरीर कै अंगो कै जैशणै जोड़ो। औरौ जोबै शोरीर कै सौबै अंग ठीक तरह शै काम कौरौ तौ शोरीर बौढ़ौ औरौ मोजबूत हौंव; तैशैखैई, जोबै आमु मुंजीदै सौबै तैसी काम कै कौरो जू मसीहे आमु दैय राए तौ आमै मोजबूत बोणदै औरौ पाकै हौंदै औरौ ऐकी दूजै शै हौजौ जादा प्यार कौरदै।

इफिसियों 4:25

ऐसी बौजैह शै झूठ बौलणौ छोड़ेयौ, हरेक आपणै साथी बिशवाशी शै साचौ बौल़ौ, जिथुकै आमै सौबै ऐकी शोरीर कै अंग औसौ।

इफिसियों 4:4

आमै सौबै बिशवाशी ऐक शोरीर कै अंगो कै जैशणै औसौ, औरौ आमु सौबी कै ऐकैई पवित्र आत्मा भैटी रौआ। ऐशैखैई तुऔं ऐकैई आशा दैय राए थै, जोबै तुऐं पौरमेशवर कै लोग हौणौ कारिए बौएदै राए थिए।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

कुलुस्सियों 3:15

औरौ सैजै शान्तै जू मसीह दैंव तियौं आपणै दिल दै राज कौरणौ दैव जिथुकै तुऐं सौबै ऐकैई शोरीर कै अंग औसौ। इथकारिए तुऔं ऐकी दुजैआरी शान्तै शै रौणौ कारिए बौएदै राए। औरौ सौदा पौरमेशवर का धन्यवाद कौरदै रौव।