1 कुरिन्थियों 1:29 - सिरमौरी नौवाँ नियम

²⁹ पौरमेशवरे ऐशै इथकारिए कौरौ ताकि कुणिए बै प्राणी पौरमेशवर कै सामणै घमण्‍ड नै कौरे सौकौ।

Sirmouri

²⁹ जू कुँऐं पराँणीं पंणमिश्वर के साम्णें आप्णी बड़ियाऐ ने करी सको।

1 कुरिन्थियों 1:29 ပူးပေါင်းရင်းမြစ်များ

रोमियों 15:17

इथकारिए हांव यीशु मसीह कै बौजैह शै पौरमेशवर कै सेवा पांदी गर्व कौरे सौकु।

रोमियों 3:19

आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

रोमियों 3:27

तौ ऐबै आमै कियों बातौ पांदी घमण्‍ड कौरु? तिथका तौ कुणजाई मतलब ना आथी। कुणजै नियमौ की बौजैह शै? का अमारै मूसा कै कानून का पालन कौरणौ शै? ना, पौरौ यीशु मसीह पांदी बिशवाश कौरणौ की बौजैह शै।

रोमियों 4:2

जिथुकै जै अब्राहम आछै कामौ लैई धरमी ठोहराया जांदा, तौ तैसीकै घमण्‍ड कौरणौ कै बौजैह हौंदै, पौरौ सै आपणै आछै कामौ की बौजैह शै पौरमेशवर कै सामणै घमण्‍ड ना कौरे सौकौ।

1 कुरिन्थियों 1:31

मसीह अमारा सौबै ठुँ औसौ, जैशैकै पवित्र शास्त्र बौल़ौए, “जू घमण्‍ड कौरौ सै इयौं बातौ पांदी घमण्‍ड कौरौ जू प्रभुए कौरे राए।”

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

1 कुरिन्थियों 5:6

तोंवारा घमण्डी हौणा आछा ना आथी; का तुऐं ना जाणौ, कै दैणिक खमीर पूरै बाटैयौंदो आटै मुंजी फोयलै जांव, तैशैखैई, जै ऐकी आदमी कै पाप कौरदै रौणौ कारिए छोड़े दीं, तौ तावल़ो ही सौबी लोगौ मुंजी सैजौ पाप फोयलैयौ सौब लोग सैजौई पाप कौरदै लागदै।

इफिसियों 2:9

औरौ ऐजा तोंवारै दवारा कौरेयौंदे कियौंई बै आछै काम की बौजैह शै नी औरौ इथकारिए तुऔं कैई घमण्‍ड कौरणौ कै कुणजै बौजैह ना आथी।