1 कुरिन्थियों 1:27 - सिरमौरी नौवाँ नियम

²⁷ ज्ञानवालों खै बैज्जित कौरणौ कारिए पौरमेशवरे तिनुखै चुणै, जू दुनिया कै नज़र दै मूर्ख औसौ औरौ शौकतीशालियौ कै बैज्जित कौरणौ कारिए तिनुखै, जू दुनिया कै नज़र दै कमजोर औसौ।

Sirmouri

²⁷ परह् पंणमिश्वरे तिनू लोग चूंणें-छाँटे, जिनू संईसारी के लोग मुरूख-ज़गर जाँणों थिऐ; किन्देंखे के तिनू दे:खियों संईसारी के ज्ञाँन-वाँन लोग सरमाँऐं ज़ाँव; अरह् पंणमिश्वरे तिनू लोग चूणें-छ़ाँटे जिनू संईसारी के लोग कंंमजोर जाँणों थिऐ; किन्देंखे के तिनू दे:खियों सेजे संईसारी के बल़्वान लोग भे सरमाँऐं ज़ाँव;

1 कुरिन्थियों 1:27 ပူးပေါင်းရင်းမြစ်များ

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

मत्ती 21:16

तैसीखै बौलदै लागै, “का तू शुणै कै ऐजै का बौल़ौ?” यीशुए तिनुखै बौल़ौ, “हां, का तुऐं ऐजौ कौलोंई ना पौढ़ै रैई की, ‘तुऐं बालकों औरौ दूध पींदै नानड़िया कै जातै लैई बौड़ाए सिद्ध कौराए?’ ”

मत्ती 9:9

तिथैदा आगु जाऐबा यीशुए मत्ती नांव कै ऐक आदमी खै मामला लौन्दै बैई चौकी पांदी बोठेयोंदा दैखा, औरौ तैसीखै बौल़ौ, “मैरा चैला बौण।” औरौ सै आपणै कामौ कै छोड़ेयौ तैसका चैला बौणै गौआ।

लूका 21:15

जिथुकै हांव तुऔं ऐशणा बौल औरौ बुध्‍दि दैंदा कै तोंवारै सौबै दुशमन तोंवारा सामणा ना कौरे सौकौ।

प्रेरितो कै काम 17:18

तोबै सैजै गुरुजी जू इपिकूरी औरौ स्‍तोईकी कौरेयौ जाणै जांव थिए, औरौ तिनुमुंजी दै किछै तैसीआरी बैहस कौरदै लागै, “ऐजा बकवादी का बौताणौ चांव?” पौरौ ओकीए बौल़ौ, “सै ओकी देवताओं का प्रचारक जाणियौ,” जिथुकै सै यीशु का औरौ मौरेयौंदे मुंजीदा जियुंदी हौणौ का सुसमाचार शुणांव थिया।

प्रेरितो कै काम 7:35

“ऐजा सैजाई मूसा औसौ जैसीकै इस्राएल देश कै लोगै ना अपनाए रैई थी औरौ बौल़ौ राए थियु, ‘ताखै कुणै आमु पांदी औधिकारी औरौ न्याय कौरणौवाल़ा ठोहराए राए?’ पौरमेशवर कै जैसी स्‍वर्गदूतै मूसा कै जोल़ेयौंदे झाड़ी मुंजी दर्शन दिया, तैणैई मूसा कै इस्राएली लोगौ का औधिकारी औरौ छुड़ाणौवाल़ा ठोहरायो भैजा।

प्रेरितो कै काम 7:54

ऐजी बातौ शोणेयो यहूदी नेता गुस्से हुवे औरौ स्तिफनुस पांदी डाठी किटदै लागै।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 2:12

आमु दुनिया कै आत्मा नी पौरौ सैजी आत्मा भैटी रौए, जू पौरमेशवर कै ढौबौशी औसौ कै आमै सैजौ सौबै जाणै सौकु, जू पौरमेशवरे आमु दया शै दैय राए।

2 कुरिन्थियों 10:10

जिथुकै तुऔं मुंजी किछै लोग बौल़ौ, “तैसकी चिट्ठियां तौ सुंचणौ वाल़ी औरौ असरदार औसौ; पौरौ जोबै दैखुए, तौ बौल़ौए सै कमजोर आदमी औरौ तैसकी बातौ बैजान औसौ।”

2 कुरिन्थियों 4:7

पौरौ ऐबै अमारै मन दै ऐजौ पेयाशो चौमकै रौ, पौरौ आमु आपी माटी कै तिनु नाजुक बासणौ कै जैशणै औसौ जिनुमुंजी ऐजा बौड़ा खजाना भोरै रौआ, कै ऐजै अनौखी शौकतै अमारी ढौबौशी नी, यानी पौरमेशवर ही कै ढौबौशी रौंव।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।