1 कुरिन्थियों 1:26 - सिरमौरी नौवाँ नियम

²⁶ ओए रै बिशवाशी भाईयों, पौरमेशवरे आमुखै आपणै बैटै, अमारै प्रभु यीशु मसीह कै साथै एकजुट हौणौ कारिए चोणे राए, आदमी कै नज़रीयै शै आमु मुंजीदै कुणिए बै बुध्दिमान औरौ शौकतीशाली औरौ राजा या नेताओं औरौ खास पुराणिया मुंजीदै ना थी।

Sirmouri

²⁶ हे भाऐ बंईणों, आप्णे बईद्णों के बारे दो सुचो; के ना लोगों के मुताबिक जाँने-माँने ज्ञाँन-वाँन लोग, अरह् ना बैजाऐ शक्तिशाली, अरह् ना बैशुमाँर बड़ी खान-दाँनी दे पय्दा हुऐ लोग बईदी।

1 कुरिन्थियों 1:26 ပူးပေါင်းရင်းမြစ်များ

लूका 1:3

मोऐं सौबी बातौ कै आछै शै पौरखै राए औरौ मुखै ऐजौ आछौ लागौ कै हांव तुऔं कारिए इनु घोटणांव कै मैल कै हिसाब शै लिखु।

लूका 10:21

तैसी सौमय यीशु पवित्र आत्मा दा हौयौ खुशी शै भोरै गौआ, औरौ बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी, हौर बै, ओए रै पिता पौरमेशवर जिथुखै ताखै ऐजौ आछौ लागौ।

प्रेरितो कै काम 13:12

तोबै राज्यपाले जू किछै हौए रो थियु, दैखैयो औरौ प्रभु कै उपदैश सै हैरान हौयौ तैणै प्रभु यीशु पांदी बिशवाश कौरा।

प्रेरितो कै काम 13:7

सै राज्यपाल सिरगियुस पौलुस कै साथी थिया, जू बुध्दिमान आदमी थिया, तैसी राज्यपाले बरनबास औरौ शाऊल कै आपणै धोरे बौएदैयौ पौरमेशवर का वचन शुणाणा चोऊवा।

प्रेरितो कै काम 17:34

पौरौ किछै आदमी तैसकै साथी मिल गौवै औरौ प्रभु पांदी बिशवाश कौरा; जिनु मुंजीदै दियुनुसियुस जू अरियुपगुस गुट का आदमी थिया, औरौ दमरिस नांव कै ऐक बैटमाणिश थी औरौ तिनकै साथै औकै बै किछै लोग थिए।

रोमियों 11:29

जिथुकै पौरमेशवर आपणै अनुग्रह शै, औरौ बुलाहट शै कौलोंई बै आपणा मन ना बौदलौ।

1 कुरिन्थियों 1:20

तौ तोबै बुध्दिमान आदमी औरौ यहूदी शास्त्री कै दशा का औसौ औरौ जू ऐक माहिर वाद-विवाद औसौ जू इयौं दुनिया पांदी हौंव? जिथुकै पौरमेशवरे आगैई दिखाए राए कै तिनकै संसारिक बुध्दि कै कुणजै कीमत ना आथी।

1 कुरिन्थियों 2:13

औरौ इथकारिए आमु इनु बातौ खै ओकी लोगौ खै बौतौऊं, तौ आमै इनु शब्दो का इस्तैमाल ना कौरु, जू आदमी कै ज्ञान शै भैटौ, पौरौ आमै तिनु शब्दो का इस्तैमाल कौरु जू पवित्र आत्मा लैई भैटौ, जू आत्मिक ज्ञान लैई आत्मिक बातौ कै सौमझांव।

1 कुरिन्थियों 2:8

इयौं दुनिया कै हाकिमै पौरमेशवर कै योजना खै ना सौमझी, जिथुकै जै सै जाणदै, तौ तेज़ोमय प्रभु खै क्रूसो पांदी नै चौढ़ांदै।

फिलिप्पियों 4:22

सौबै पवित्र लोग खास कौरेयौ जू महाराजा कै महल दै जू बिशवाशी औसौ तुऔं खै नमशकार बौल़ौ।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।