1 कुरिन्थियों 1:23 - सिरमौरी नौवाँ नियम

²³ पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

Sirmouri

²³ परह् आँमें तअ तेसी शुँल़ी-फ़ाँशी कुरबाँण हुऐ मसीया का प्रचार करह्, जू यहूदियों लोगो खे ढैस-ठूकर का कारण अरह् ओकी गऐर यहूदी लोगो खे मुरूख्ता असो;

1 कुरिन्थियों 1:23 ပူးပေါင်းရင်းမြစ်များ

मत्ती 11:6

औरौ धन्‍य औसौ सैजै जू मुं पांदी बिशवाश कौरणा ना छोड़ो।”

मत्ती 13:57

इथकारिए तिनुऐ तैसकै बातौ पांदी बिशवाश ना कौरी। पौरौ यीशुए तिनुखै बौल़ौ, “पौरमेशवर कै बातौ बौताणौवाल़ै आपणै देश औरौ आपणै घोर छोड़ेयौ ओकते सारै ठाँव दा आदर पाव।”

लूका 2:34

तोबै शमौने तिनुकै आर्शीवाद देएबा, तैसकै माँ मरियम खै बौल़ौ, “दैख सै इस्राएल देश दा कैई लोगौ कै नाश औरौ उध्दार कारिए, ऐक चिताणो कै निशान कै जैशणा हौंदा, जैसकै खिलाफ दी लोग बातौ कौरदै।

1 कुरिन्थियों 1:18

जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 1:28

पौरमेशवरे तिनुखै चुणै, जू दुनिया कै नज़र दै नीच औसौ, बैकार औसौ औरौ जू कुछ बै ना आथी ताकि ऐजै लोग तिनु लोगौ कै बैकार कौरे दैंव, जू दुनिया दै खास सौमझै जांव।

1 कुरिन्थियों 2:14

पौरौ शारीरिक आदमी पौरमेशवर कै आत्मा की शिक्षाओं खै ना मानौ, जिथुकै सैजी तैसकै नोज़रो दी मूर्खता की बातौ औसौ, जिथुकै ऐक आदमै पवित्र आत्मा कै शिखाएयौंदी बातौ कै जांच तोबैई कौरे सौकौ, जोबै तैसदै पौरमेशवर कै आत्मा रौंव।

1 कुरिन्थियों 2:2

जिथुकै मोऐं ऐजौ ठाणै राए थियु, कै हांव यीशु मसीह औरौ तैसकै क्रूसो कै मौत कै अलावा कोसी बै औकै मुदै कै बारै मुंजी ना जाणु।

1 कुरिन्थियों 4:10

लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

गलातियौं 3:1

ओए रै नासमझ, गलातिया शहर कै बिशवाशियौं, मोऐं तौ स्पष्ट रुप शै औरौ आछी तरह शै तुऔं सौमझाए राए थिए, कै यीशु मसीह तुऔं कारिए क्रूसो पांदी किथु मौरा, तौ तोबै तुऐं तैसी कैईंदै दूर कैशै हौटै गौवै? कोसीए तुऔं धौखा दैय दिया।

गलातियौं 5:11

ओए रै बिशवाशी भाईयों, हांव प्रार्थना कौरु कै खतना जौरुरी ना आथी, औरौ इयौं बौजैह शै मुखै यहूदी लोगौ कै दवारा सताया जाणा जारी औसौ, जै हांव मसीह कै मौत कै बारै मुंजी प्रचार कौरणौ कै बजाय ऐजा प्रचार कौरु कै लोगौ का खतना हौणा चैंई तौ हांव यहूदी लोगौ कारिए बैज्जती कै बौजैह ना हौंदा।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

1 पतरस 2:8

औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।