1 कुरिन्थियों 1:17 - सिरमौरी नौवाँ नियम

¹⁷ जिथुकै मसीहे मुखै बपतिस्मा दैणौ खै नी, पौरौ सुसमाचार शुणाणौ खै भैजै राए, औरौ जोबै हांव लोगौ खै पौरमेशवर का सौंदेश शुणौऊं, तौ हांव आदमी कै चलाक विचारो का इस्तैमाल ना कौरु, ना लोगौ खै मोनोऊ कै जू किछै हांव बुलू तिथपांदी बिशवाश कौरौ। जै ऐशैखै कौरदा, तौ लोग सिरफ इथकारिए बिशवाश कौरदै कै मोऐं बौड़ै चालाकी लैई बातो कौरी पोरौ तोबै क्रूसो पांदी मौरणौ वाल़ै मसीह का सौंदेश लोगौ कै जीवन दा शौकतीशाली तरीकै शै काम ना कौरदा।

Sirmouri

¹⁷ किन्देंखे के मसीया ऐ मुँह नहाँण-नुहाँणों खे ने, परह् पंणमिश्वर की खुषख्बरी शुणाँदा डियाल़ी थुवा, अरह् सेजा भे शब्दो के ज्ञाँन के मुताबिक ने, ऐशो ने हईयों के मसीया के शुँल़ी-फ़ाँशी कुरबाँणी बै-कार ज़ाँव।

1 कुरिन्थियों 1:17 ပူးပေါင်းရင်းမြစ်များ

यूहन्ना 4:1

जोबै यीशु कै पौता चाला कै फरीसी लोगै शुणु कै यीशु यूहन्ना दै जादा चैलै बौणांव औरौ तिनुखै बपतिस्मा दैंव।

यूहन्ना 4:2

(पौरौ यीशु आपी नै बल्कि तैसकै चैलै बपतिस्मा दैंव थिए)

प्रेरितो कै काम 10:48

औरौ जू लोग कुरनेलियुस कै घोरे पुंडे कौठै थिए, तिनु लोगौ खै पतरसे आज्ञा दै की तिनु यीशु मसीह कै नांव शै बपतिस्मा दिया जांव। तोबै तिनुऐ पतरस शै बिन्ती कौरे, कै किछै दूस हौजौ अमारै साथी रौव। औरौ इथकारिए पतरस औरौ किछै यहूदी बिशवाशी किछै दूसौ कारिए तिथै रौकै गौवै।

1 कुरिन्थियों 2:1

ओए रै बिशवाशी भाईयों, हांव तोंवारै इथै ना तौ बातौ कै चतुराए का इस्तैमाल कौरदा ओऊवा औरौ ना ही उतम ज्ञान कै बौताणौ कारिए, पौरौ हांव तोंवारै इथै पौरमेशवर कै भैद कै बारै मुंजी बौताणौ कारिए ओऊवा।

1 कुरिन्थियों 2:13

औरौ इथकारिए आमु इनु बातौ खै ओकी लोगौ खै बौतौऊं, तौ आमै इनु शब्दो का इस्तैमाल ना कौरु, जू आदमी कै ज्ञान शै भैटौ, पौरौ आमै तिनु शब्दो का इस्तैमाल कौरु जू पवित्र आत्मा लैई भैटौ, जू आत्मिक ज्ञान लैई आत्मिक बातौ कै सौमझांव।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 10:10

जिथुकै तुऔं मुंजी किछै लोग बौल़ौ, “तैसकी चिट्ठियां तौ सुंचणौ वाल़ी औरौ असरदार औसौ; पौरौ जोबै दैखुए, तौ बौल़ौए सै कमजोर आदमी औरौ तैसकी बातौ बैजान औसौ।”

2 कुरिन्थियों 11:6

जै हांव बौल़ाणौ कै अनाड़ी औसौ पौरौ मुखै मसीह औरौ सुसमाचार का ज्ञान औसौ, यानी आमै आपणा ज्ञान तिनु सारी बातौ दा प्रगट कौरा जू मोऐं शिखैई।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

2 पतरस 1:16

जिथुकै जोबै आमै चोणेयौंदे चैलै तुऔं अमारै प्रभु यीशु मसीह कै अनौखी शौकतै औरौ पाछु आणौ कै बारै मुंजी बौतौऊं, तौ आमै तुऔं चलाकी शै किछै बाणैयौंदी कहाणी ना बौताए रैई। पौरौ, आमुए मसीह कै महिमा आपणै आखी लैई दैख राए थै।