Judas 1:12 - Sirionó

¹² Ae Jesús quiato saã saã nguia nae, aba ɨreɨnguia tuchɨ chõ ũquɨ̃ nde. Jeñumunua nua mose quiaru sacuã nyɨese, ũquɨ̃ ndiqui quiaru chooño ño ũquɨ̃. Mbae abe mbei chooño. Ɨco chooñoa abe mbia mo je. Mbia reaquiatusa mo na eã. Nguete mɨɨ ño ũquɨ̃ teaquiatu nguiã ũquɨ̃. Sã ibei rondeɨ riqui raque pã ɨ mose no. Sã eriqui nyaaquíã no jẽ. Sã quɨrɨrɨã ndiqui ibei rondeɨ rerao no jẽ. Ũquɨ̃ na ño Dios quiato raã naasa riqui nguiã ã. Mbae ɨabae je rã abe chõ eriqui nguiã ã. Ira shɨɨ rã abe no. Ira riqui ji rã abe no.

Judas 1:12 ပူးပေါင်းရင်းမြစ်များ

Mateo 13:6

Tenda ibate mose que eriqui ñɨmama mano nda. Erao eãte quia ñene. Nyebe mano jeɨ nguiã.

Mateo 15:13

Jesús que ñee ee ra. —Ae ira Paba Ibatenda chutã eã nae, ũquɨ̃ nda esiqui ja erao resebe. Ũquɨ̃ ira rã ño fariseos riqui nguiã ã.

Marcos 4:6

Tenda ibate mose que eriqui ñɨmama mano nda. Erao eãte quia ñene. Nyebe mano jeɨ nguiã.

Lucas 12:45

Sã erimba ndua ndua uchɨangui re no. “Sererecua ra tu jeɨ ãte”, ɨ ndua ndua. Hue ñee ɨcuã ɨcuã uataque je huee cote. Iruã nua cote. Quiaru chooño cote. Mbae mbei chooño abe cote. Quiacua quiacua cote.

Lucas 16:19

Sã mbaecha tuchɨ mo ndiqui no. Huɨɨrao turã mingue mingue beɨ. Huɨɨrao nininya mingue mingue beɨ. Fiesta que esaã saã mbeɨ quia ra. Umbae mbae isiquia mumba chooño mbae rese.

Lucas 21:34

Mbia ndua eã mose serese ra achu cote. Ibi jenda ja ra ambua tuchɨ u. Jẽ nguia seraarõ arõ mbeɨ quia. Mbae ɨcuã ndese siqui rocoɨ̃. Quiacua siqui rocoɨ̃. Mbae rese ndua ata ata rocoɨ̃. Ũquɨ̃ ɨcuã ndese jẽɨngo mose, jaembuate ra u.

Lucas 8:6

Sã emo uqui uqui sɨta arõ no. Sɨta aronda suri raque. Ibi irute quia ee re. Nyebe ñɨmama nguiã mano.

Efesios 4:14

Ũquɨ̃ mose ra nandeɨco ñimbirãcuã tuchɨ Cristo rese. “Tambɨɨrɨ̃ ɨrɨ̃ Cristo rɨɨ̃” ɨ mose emo nande je, nandeɨcoã nda ũquɨ̃ ndese. Nandendua ata ata eã nda Cristo rɨɨ̃. Ae mɨɨ ndese chõ nda nandeɨco beɨ. Mbia riirĩ na nda nandeɨco ndua ata ata eã.

Filipenses 3:19

Ũquɨ̃ nda nyoɨ ja tata cuásuu. Ubi rese achõ ño ũquɨ̃ ndiqui nguiã. Eɨreɨ̃ nguiãte. Eya chõ eriquichɨ̃ nguiã huɨɨcuã ndese. Ibi jenda achõ ndese chõ eriquichɨ̃ nguiã ndua.

1 Timoteo 5:6

Ae ebite nae, ũquɨ̃ ndese achõ eru cheecha mo siqui mose, eɨcuãte ũquɨ̃. Eraaque rã ño aque riqui nguiã. Ereco siqui raque.

Hebreos 13:9

Mbia jembaaquiatu ata ata mose, echeẽ sɨ jẽhuɨ chõ. Mbia jembaaquiatu chooño mose, echeẽ sɨ jẽhuɨ chõ no. Ae je mbia riqui mbaeɨae ɨ nande je nae, ũquɨ̃ sɨ nandehuɨ mose, ũquɨ̃ abe ra nandechɨã mbuquirãcuã eã no. Nandechɨu abe ra nandechɨã mbuquirãcuã eã no. Dios turã ae chõ nandechɨã mbuquirãcuã nguiã.

Santiago 5:5

Sã ticuasu riqui quiaru beɨ ñɨmbuquira no. Eɨquia nonde. Eɨ̃ ño jẽ nde, mbaecha. Jembi rese chõ ngue jẽɨngo beɨ quia ra. Jẽquiaru chooño mbeɨ que equia ra. Siqui rocoɨ̃ Dios rese. Nyebe ra Dios jembasi cote.