Hechos 2:45 - Sirionó

⁴⁵ Umbae je que eriqui vender ɨ tuchɨ ra. Mbae isiquia que emee mee nguia mbaecha reã je cote ra.

Hechos 2:45 ပူးပေါင်းရင်းမြစ်များ

Mateo 19:21

Jesús que ñee ee ra. —“Taɨco turã tuchɨ”, nde ɨ mose, ã abe esaã. Nembae emondo mondo ja mbia mbaecha reã je. Nde ũquɨ̃ naa mose, mbae tubɨrɨã nda nembae, ndeɨco mose ibate. Nembae mondo ja mose mbaecha reã je, seruɨ eɨco cote, ɨ que Jesús ee ra.

Lucas 16:9

Acheẽ tuchɨ quia jẽje co. ¡Mbae isiquia jemondo mondo quia ibatenda je jẽ! Eɨ̃ nda jẽquiato jiri. Eɨ̃ nda Dios jẽisi quiatu turã ibate jembae ua mose. Huee ra jẽɨngo beɨ cote.

Lucas 18:22

Jesús eandu mose que ñee ee ra. —Mbae mɨɨ mo abe eresaã eãte. Ã abe esaã. Nembae emondo mondo ja mbia mbaecha reã je. Nde ũquɨ̃ naa mose, mbae tubɨrɨã nda nde, ndeɨco mose ibate. Nembae mondo ja mose mbaecha reã je, seruɨ eɨco cote, ɨ que Jesús ee ra.

Lucas 19:8

Zaqueo que juã ñee Jesús je ra. —Sererecua, tacheẽ ndeje. Sembae tachisia nyibite rɨ̃ mondo sacuã mbia mbaecha reã je. Ae asirõ ñooño mbia sɨ nae, ũquɨ̃ tambuchebibe ee. Eata tambuchebibe ee, cuatro veces, ɨ que Zaqueo Jesús je ra.

Hechos 11:29

Nyebe Jesús quiato Antioquía jenda ñee ñee nyue. —Mbae mo nandemondo rã Jesús quiato Judea jenda je. Nandembae mbae mo nandemondo ee, ɨ que nyue ra.

Hechos 4:34

Mbae tiã eã ngue eriqui Jesús ɨcuasa mo je ra. Tuchuacha que vender ɨ jaaja uchuchua je ra. Ibicha abe que vender ɨ jaaja umbae ibi je no nda. Mbae isiquia que emee mee Jesús chɨmbaaquiatu je cote ra. Jesús chɨmbaaquiatu que emee mee mbaecha reã ja je cote ra. Nyebe mbae tiã eãte riqui nguiã emo je. Jesús quiato mo je.

2 Corintios 9:1

Aete aɨco embesa eã jẽje ofrenda rɨɨ̃. —Ae ae chõ nda mbae mo mondo nguiã Jesús quiato je, se ñee mose rocoɨ̃ ee, ae que se ra.

2 Corintios 9:9

Sã embesa ji riqui ñee no: Mbae que Dios quiato mondo mondo beɨ quia mbaecha reã je ra. Echɨsaã turã sɨ ra mbia tesareɨ eã mbeɨ, ɨ que embesa ji ra.

1 Juan 3:17

Nandequeteã tuchɨ aroneate nandembae rese mbaecha reã mo je. Emo ia eã eã mose mbaecha reã mo ndese, ¿mañɨ ño nda equia nyesecua Dios rese uchɨangui re?