Hebreos 13:4 - Sirionó

⁴ Emo siqui mose ngũinisi rese, ũquɨ̃ Dios bite. Sã emo ngũinisi resechõ ño siqui. Sã eriquíã emo ndese. Emo siqui mose emo ninisi rese, Dios ra paama ɨ tuchɨ ũquɨ̃ je. Ae ninisi ãte riqui nae, siqui mose emo ndese, Dios ra paam a ɨ tuchɨ ee no.

Hebreos 13:4 ပူးပေါင်းရင်းမြစ်များ

1 Corintios 5:13

Dios quia ra Jesús ɨcuasa reã mbasi. Ae siqui ngu ninisi rese nae, “Jesús quiato se”, ɨ rei quia nae, aque jemombo chõ jẽsɨ.

1 Corintios 6:18

¡Jeninisiã ndese ra jẽɨngochɨ̃ jẽ! Mbae ɨcuã mo naa mose, ũquɨ̃ nda nanderete mbɨɨcuãyã jiri. Siqui mose ngũinisiã ndese, ũquɨ̃ nguia ra nanderete mbɨɨcuã tuchɨ cote.

1 Corintios 6:9

Mbia rerecuarã tuchɨ ra Dios cote. Aque mose ra mbia ɨcuã siquíã tuchɨ Dios rese. Ae siqui emo ninisi rese nae. Ae siqui ngũinisíã ndese nae. Ae ndua chooño nguia Dios abareã ndese nae. Ae siqui quia nyɨese ngũinisi raã naa nguesenda je nae. Ae mbae mbuquiachã quiachã nguia nae. Ae abeɨ chɨãte riqui nae. Ae quiacua quiacua quia nae. Ae ucheẽ mondo chooño mbeɨte quia mbia je nae. Ũquɨ̃ nda siquíã tuchɨ Dios rese. —Eɨcuã abe ra siqui beɨ Dios rese, ¡jenyechɨ̃ nda ñɨmbɨɨrɨ̃ ɨrɨ̃ jẽ!

1 Corintios 7:38

Ae nguiirĩ ndurã mo mee ee, eturã ño ũquɨ̃ nde. Ae nguiirĩ ndurã mo mee eã ee, eturã tuchɨ chõ ũquɨ̃ cote re.

1 Corintios 9:5

Seninisirã Jesús quiato mo arao rao arondete raque mananguiti. Secuata cuata mose mbia mbiirandu randu Jesús rɨɨ̃. Sã Pedro riqui ngũinisi rerao rao no. Jesús nongue abe no. Sã Jesús cheẽ nenei neneisa ja ngũinisi rerao rao no.

2 Corintios 5:10

Cristo résaa ra nandecu ja emo mose. Ae nanderea sacuã. Nandeɨcua sacuã. Ae mbae turã saã saã nguia siqui mose íbii nae, Cristo ra mbae turã mondo ũquɨ̃ je pee cote. Ae mbae ɨcuã saã saã nguia siqui mose íbii nae, ũquɨ̃ je ra Cristo mbae ɨcuã mondo

Gálatas 5:19

Ae siqui quia ubi ɨcuã ndese nae, mbae ɨcuã esaã ata atate quia ã. Siqui siqui chõ nguiã ngũinisiã ndese. Cuña abe siqui siqui chõ nguiã ngu eã ndese no. Siqui chooño mbia rese.

Gálatas 5:21

“Ɨ̃ ãchɨ̃ sembae”, ɨ mbia mbae oseɨ oseɨ. Mbia ɨquia. Quiacua. Siqui chooño mbae ja rese. Ae ã ɨcuã ñumumbara saã saã mbeɨte quia nae, ũquɨ̃ nderecuarã eã mbeɨ ra Dios.

Efesios 5:5

Emo siqui mose ngũinisiã ndese, aque ra siqui eã Cristo rese, Cristo siqui mose ererecua. Ae mbae ɨcuã saã saã mbeɨte quia nae. Ae emo mbae choseɨ choseɨ quia nae, ũquɨ̃ abe ra siqui eã Cristo rese. Emo mbae oseɨ oseɨ mose, Dios abareã ndese siqui raanguia chõ ũquɨ̃ no nde.

1 Tesalonicenses 4:6

¡Jenongue ra jembɨɨrɨ̃ ɨrɨ̃chɨ̃ eninisi rese jẽ! Ũquɨ̃ naa naa mose ra Dios jembasi tuchɨ. Nyebe urecheẽ nguiã jẽje nyii.

1 Timoteo 3:12

Sã diácono ngũinisi mɨɨ ño nderequia. Sã eriqui nguiirĩ nderequia turã. Uchuchua jenda ja abe no.

1 Timoteo 3:2

Sã Jesús quiato rerecua riqui siqui turã mbeɨ. Mbia ñee eã sacuã ee. Sã ngũinisi mɨɨ ño nderequia. Sã eriqui ndua turã turã mbeɨ. Sã earacua tuchɨ riqui. Sã eriqui mbia isi turã turã mbia mo oso mose echuchúaa. Sã eriqui mbia mbaaquiatu quiatu aracua.

1 Timoteo 3:4

Sã eriqui mbia uchuchua jenda rerequia turã. Sã eriqui nguiirĩ mbaaquiatu quiatu turã. Aba cheẽ mumbayã sacuã. Ɨ̃ nda eriirĩ eɨ̃ ñooño eã mbia je.

1 Timoteo 4:3

Ũquɨ̃ nda mbia mbaaquiatu ɨcuã ɨcuã. Jeninisirã nda jendecoã. Jendurã abe ra jendecoã no, ɨ ra equia ñee mbia je. —Mbae ra jẽu chooñochɨ̃ jẽ, ɨ ra equia mbia mbaaquiatu ɨcuã ɨcuã. Dios mbae chao ja raque mbia chɨurã. —Sã sequiato mbae ja u, gracias ɨre seje, ɨ que Dios ra.

1 Timoteo 5:14

Nyebe aɨco nguiã ñee eru cheecha, ae ari eãte, ũquɨ̃ je. Sã ngurã mo ndea. Sã tiirĩ. Sã eriqui mbae turã naa naa mbeɨ uchuchúaa. Ũquɨ̃ mose ra Jesús quiatoã ñee eã ee cote.

Tito 1:6

Ameɨ turã ño eirabo rabo Jesús quiato rerecuarã. Eninisi mɨɨ nderecua chõ eirabo. Ae riirĩ Jesús ɨcua quia nae, ũquɨ̃ mɨɨ ño eirabo rabo. Ae eriirĩ seteãte riqui nae, ũquɨ̃ ño eirabo rabo. Ae eriirĩ teã eãte nae, ũquɨ̃ ño eirabo rabo. Jesús quiato rerecuarã.

Hebreos 12:16

Jeninisi ae rese chõ jẽɨngo. Jemo nda siquichɨ̃ emo ninisi rese jẽ. Dios mbae ra jẽisiteã teãchɨ̃ jẽ. Sã Esaú no. Aque que umbae herencia mondo ja chõ soo ñetẽ ndɨbɨshorõ nda.

Apocalipsis 22:15

Dios quiatoã nda ɨqueã huee Dios récuaa. Ae brujería saã saã nguia nae. Ae siqui chooñote quia cuña mo ndese nae. Ae mbia ɨquia nae. Ae siqui quia dios mbuae rese nae. Idolo rese nae. Ae mbia mbɨɨrɨ̃ ɨrɨ̃ nguia nae. Ũquɨ̃ mo nda ɨqueã tuchɨ Dios récuaa.