Hebreos 11:3 - Sirionó

³ Dios que mbae chao ja cose mbae eã mose ra. Mbae mo je eã ngue mbae ao ra. Ucheẽ achõ je chõ ngue mbae ao ra. Nande Dios ɨcua mose, ã abe nandeɨcuate quia ã. Nandemae ãte raque erese.

Hebreos 11:3 ပူးပေါင်းရင်းမြစ်များ

Juan 1:3

Dios que mbae chao eã ae ae ra. Jesús rese ae mbae ao ja nguiã.

Hechos 14:15

—¿Mbaerã nda re, mbia? ¿Mbaerã nda ticuasu jẽɨquia ure je re? Mbia chõ ure re. Jẽ na sɨ chõ ure resẽ. Dios eã ño ure resẽ. Nyebe urechu nguiã Dios cheẽ turã nenei nenei jẽje ã. Ã mbae ɨcuã jẽsecha ja chõ. Dios quiarei ereco. ¡Ae ruɨ jẽɨngo! Ae que ibei chao ra. Ae que ibi chao no nda. Ae que ama nyao no nda. Ae que mbae chao ja ra. Mbae aosa ruɨ jẽɨngo.

Hechos 17:24

Co Dios que ibi chao ra. Mbae ao ja. Ae rei mbae rerecua. Ibi rɨɨnda rerecua. Ibei jenda abe rerecua. Dios siquíã ño nguiã tuchuaqui re mbia chɨao.

Romanos 4:17

Nyebe embesa ji riqui nguiã ɨ: Dios que ñee Abraham je ra. “Nde ra mbia i tuchɨ. Ibi jenda ja i tuchɨ ra nde”, ɨ que Dios Abraham je ra, ɨ que embesa ji ra. Dios ra mbia mangue chooñoa jenda ja isi turã, Jesús ɨcua mose. Dios cheẽ sɨ́ tuchɨ chõ ã nde. Dios ae mbia raaque mbuquera nguiã. Ae emoãte namo nae, Dios ae ra ũquɨ̃ nyao no.

1 Corintios 2:7

Ae ureɨco ñee ñee nae, ũquɨ̃ nguia mbia mbaaquiatu jiri nguiã. Dios cheẽte quia ñene. —Secheẽ nda ambuchecua je nguiã mbia je. Mbia mingo beɨ sacuã, ɨ que Dios nyii mbae ao nonde ra. Dios que esenei eã nyii ra. Namo ño embuchecua nguiã nande je cote.

1 Timoteo 4:5

Dios cheẽ nguire mbae turã ja riqui nandechɨurã ã. Nande “gracias” ɨ mose Dios je, mbae turã ja chõ eriqui nguiã nande je.

Hebreos 1:2

Eɨ̃ eã ño namo nde. Jesucristo mɨɨ ño Dios cheẽ mbuchecua checua nguiã nande je co cote. Dios nguiirĩte mbucheẽ nande je cote. Ae mɨɨ ndese chõ ngue Dios ibi ao nyii ra. Dios que emɨɨ mbae ja rerecuarã nda.

Hebreos 6:5

Dios cheẽ turã abe ɨcua raque nyii. Dios quirãcuã abe ɨcua raque nyii no.

2 Pedro 3:5

Cose ndare rese nduayã. Dios que ibei chao ucheẽ je chõ cose ra. Ibi abe que echao i ite re ra.

Apocalipsis 4:11

Eɨ̃ ngue equia ñee ñee Dios je ra: Urererecua turãt e ereɨco co, Dios. Nyebe ureɨco nguiã ñee turã mbeɨte ndeje ã. Mbae que erechao jate nembaerã nda. Erendua turãt e que mbae ao nonde nyii no nda, ɨ que ũquɨ̃ nguia ñee turã turãte Dios je ra.