Filipenses 3:13 - Sirionó

¹³ Ae ra Dios mee seje, ũquɨ̃ asiiti ja eãte. Ae eɨ̃ eɨ̃ seje cose, ũquɨ̃ sɨ aɨco tesareɨte co. Ae ra Dios mee seje, ũquɨ̃ nda asiiti. Ũquɨ̃ mɨɨ ndese chõ aɨco nguiã ndua co cote.

Filipenses 3:13 ပူးပေါင်းရင်းမြစ်များ

Lucas 10:42

Aque mɨɨ ndese chõ eɨco ndenongue rã sɨ ae, Marta. María riqui secheẽ andu andu a resẽ. Emo nda embuɨ eã secheẽ sɨ, ɨ que Jesús Marta je ra.

Lucas 9:62

Jesús que ñee ee ra. —“Achu jirichɨ̃ nguia Jesús ruɨ”, ɨ mose sequiato mo, aque ra ngaseã Dios je, ɨ que ra.

2 Corintios 5:16

Jesús quiatoã na eã ño ureɨco nguiã mae mbia rese ã. Urechesecua chõ nguiã mbia rese ã cote. Urechesecua eãte raque Cristo rese nyii.

Filipenses 2:12

Secheẽ ngue jemumbayãte quia seɨco mose jendese. Ɨshote aɨco jẽsɨ co. Secheẽ jemumbayã tuchɨ quiatu quia ɨsho seɨco mose abe. Cochee jiri quiatu jẽɨngo Dios je. Jẽɨngo beɨ tuchɨ quia erese. Jenderao chee ra ibate mbae ɨcuã sɨ.

Filipenses 3:12

Mbae quia asaã ja eãte rei nguiã. Jesús turã na nguia ra aɨco jee cote. Co Dios riqui sembitirõ tirõ mbeɨte co. Co aɨco eruɨ beɨte co. Jesucristo que seisi seɨco sacuã ae rã sɨ ra. Jesucristo turã na tuchɨ aɨcoã ndaque namo co. Nyebe aɨco nguiã siqui tuchɨ eruɨ co. Seɨco sacuã tuchɨ chee ae rã sɨ cote.

Filipenses 3:8

Mbae mo ndese aɨco queteã eãte co cote. Aɨco ndua eãte mbae mo ndese co cote. Jesucristo mɨɨ aɨcuate quia co cote. Ũquɨ̃ eturãte mbae ja sɨ seje cote. Jesucristo rɨɨ̃ aɨco huɨ jate mbae sɨ co cote. Iti rã ño mbae ja riqui nguiã seje cote. Seɨco beɨ sacuã Cristo rese.

Hebreos 6:1

Ae rese jeñɨmbaaquiatu nyii nae, aba chɨɨcuate ũquɨ̃. Ũquɨ̃ mɨɨte rese jẽɨngochɨ̃ nguiã. Mbae aba chɨɨcuayã mo abe jẽɨcua jiri Jesús rɨɨ̃ ae. Ã aba chɨɨcua que asenei ja jẽje nyii ra: —Jenyɨsaã mbae ɨcuã sɨ jẽhuɨ, ae que jẽje nyii ra. —Dios jẽɨcua, ae que jẽje nyii no nda. Bautismo abe que asenei jẽje nyii ra. —Jẽo jeñono Jesús quiato arõ, ae que jẽje nyii no nda. —Mbia raque ra quera sɨ, ae que jẽje nyii ra. —Mbia Dios quiatoã nda mbae rasi saã tuchɨ tata cuásuu, ae que jẽje nyii no nda.

2 Pedro 3:8

Co abe rese jendua, Seresenda: Nyaashɨ̃ mɨɨ na ño mil años Dios je re. Mil años na ño nyaashɨ̃ mɨɨ Dios je no nde.